میری اور بھتیجے کی گرفتاری کیلئے پولیس جگہ جگہ چھاپے مار رہی ہے۔شیخ رشید

راولپنڈی: سابق وزیرِ داخلہ شیخ رشید احمد نے کہا ہے کہ میری اور بھتیجے راشد شفیق کی گرفتاری کیلئے پولیس جگہ جگہ چھاپے مار رہی ہے۔

سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ میری اورمیرے بھتیجے شیخ راشد شفیق کی گرفتاری کے لیے پولیس جگہ جگہ چھاپے ماررہی  ہے۔ میرے اسٹاف کو اٹھا کرلے گئے ہیں۔جب تک پولیس گرفتارنہیں کرلیتی، ٹوئٹر کے ذریعے قوم سے رابطہ رکھوں گا۔

عمران خان کونااہل یامائنس کرناہےتوپھرPDMنےکس کےساتھ الیکشن لڑناہےظلم کانظام نہیں چل سکتاچادراورچاردیواری کوروندنےوالی ن لیگ دفن اورPDMکاکفن ہوگاخداکےہاں دیرہےاندھیر نہیں کرپٹ حکومت کو سپورٹ نہ دی جائےپہلے ہی غریب مررہاہےڈالربڑھ رہاہےاب داوئیوں کی قیمت میں مزید20فیصد اضافہ کردیاہے

— Sheikh Rashid Ahmed (@ShkhRasheed) May 22, 2023

ٹوئٹر پیغام میں سابق وزیرِ داخلہ نے کہا کہ صرف سپریم کورٹ سیاسی بحران سے نکال سکتی ہے۔ آئی ایم ایف ناکام، بجٹ بحران،  معشیت تباہ، دوست ملکوں سے اَن بن،  یہ حکومت کی کارکردگی ہے۔

پیغام میں عوامی لیگ کے سربراہ شیخ رشید احمد نے کہا کہ عمران خان کونااہل یامائنس کرنا ہےتو پھر پی ڈی ایم نے کس کے ساتھ الیکشن لڑنا ہے؟ ظلم کا نظام نہیں چل سکتا۔ چادراورچاردیواری کوروندنے والی ن لیگ دفن اور پی ڈی ایم کا کفن ہوگا۔

سابق وزیرِ داخلہ شیخ رشید نے کہا کہ خداکے ہاں دیرہے، اندھیر نہیں، کرپٹ حکومت کو سپورٹ نہ دی جائے۔ پہلے ہی غریب مررہاہے۔ ڈالربڑھ رہا ہے۔ اب دوائیوں کی قیمت میں مزید 20 فیصد اضافہ کردیا ہے۔