گوگل نیوز پر ہمیں فالو کریںکراچی: پاکستان تحریک انصاف (پی ٹی آئی) کراچی کے صدر اور سابق عمران خان کے دیرینہ ساتھی آفتاب صدیقی نے پارٹی اور سیاست چھوڑنے کا اعلان کردیا۔
آفتاب صدیقی کا اپنے ویڈیو بیان میں کہنا تھاکہ میں نے سیاست سے کنارہ کشی اختیار کرلی ہے اور پارٹی کے تمام عہدوں سے استعفیٰ دے دیا ہے۔
اپنے ویڈیو بیان میں آفتاب صدیقی نے قومی اسمبلی کی رکنیت سے بھی مستعفی ہونیکا اعلان کیا۔
آفتاب صدیقی کی جانب سے گزشتہ دنوں کراچی میں رینجرز کی چوکی جلانے والے باپ بیٹے سے بھی لاتعلقی کا اعلان کیا گیا تھا۔
مزید پڑھیں:پاکستان کے وجود اور سالمیت پر 9مئی کو حملہ کیا گیا۔خواجہ آصف
واضح رہے کہ آفتاب صدیقی قومی اسمبلی کے حلقہ این اے247 کراچی سے پی ٹی آئی کے ٹکٹ پر منتخب ہوئے تھے اور وہ کراچی میں پارٹی کے صدر کے طور پر خدمات سر انجام دے رہے تھے۔
