عید الفطر کب ہوگی؟ رویت ہلال ریسرچ کونسل نے تاریخ بتادی

لاہور: رویت ہلال ریسرچ کونسل نے عید الفطر کی ممکنہ تاریخ بتادی۔

 رویت ہلال ریسرچ کونسل کے سیکرٹری جنرل خالد اعجاز مفتی کا کہنا ہے کہ 20 اپریل کی شام عیدالفطر کا چاند نظر نہیں آئے گا لہٰذا عید الفطر 30 روزے مکمل ہونے کے بعد ہفتہ 22 اپریل کو منائی جائے گی۔

نجی ٹی وی سے گفتگو میں اعجاز مفتی نے کہا کہ 20 اپریل کو پاکستانی وقت کے مطابق نیا چاند صبح 9 بجکر 13 منٹ پر پیدا ہوگا، اس روز چاند کی عمر 10 گھنٹے سے بھی کم ہوگی۔

یہ بھی پڑھیں:

سوئی سدرن نے گیس کے بلوں میں اضافی رقم شامل کردی

انہوں نے کہا کہ دکھائی دینے کیلئے چاند کی عمر 19 گھنٹے سے زائد ہونی چاہیے، اس روز مطلع صاف ہوا تو بھی چاند دکھائی نہیں دے گا۔

خالد اعجاز مفتی کا مزید کہنا تھا کہ  21 اپریل کو 30 رمضان اور 22 اپریل کو یکم شوال ہوگی لہٰذا 20 اپریل کی شام موصول ہونے والی کوئی بھی شہادت جھوٹی ہوگی۔