نیوزی لینڈ کیخلاف قومی ٹیم میں شامل نہ کئے جانے پر اعظم خان کا ردعمل

لاہور: قومی کرکٹ ٹیم کے نوجوان وکٹ کیپر بلے باز اعظم خان نے نیوزی لینڈ کے خلاف ہوم سیریز کے لئے ٹیم میں شامل نہ کئے جانے پر ردعمل دیا ہے۔

ٹوئٹر پر جاری اپنے پیغام میں اعظم خان نیوزی لینڈ کے خلاف سیریز کیلئے قومی ٹیم میں جگہ بنانے والے کھلاڑیوں کیلئے نیک خواہشات کا اظہار کیا۔

Good luck to the boys in green for the home series, inshaAllah will keep working hard on my game and fitness to get back a place in the team.????#PakvsNz pic.twitter.com/OgKqDCEB0k

— Azam Khan (@MAzamKhan45) April 4, 2023

اعظم خان نےکہا کہ انشااللہ ٹیم میں دوبارہ جگہ حاصل کرنے کے لیے اپنے کھیل اور فٹنس پر محنت جاری رکھوں گا۔

یہ بھی پڑھیں:

نیوزی لینڈ کیخلاف ٹی ٹوئنٹی اور ون ڈے سیریز،قومی سکواڈ کا اعلان کر دیا گیا

اس سے قبل ایک نجی ٹی وی کو انٹرویو دیتے ہوئے اعظم خان نے افغانستان کے خلاف سیریز میں اپنی ناقص کارکردگی پر ہونے والی تنقید کے بارے میں بات کی اور ان ناقدین کو مخاطب کیا جو ان کی فٹنس کا ان کی کارکردگی سے موازنہ کرتے ہیں۔

اعظم خان کا کہنا تھا کہ میں سب کا منہ بند نہیں کر سکتا، اگر تباہ کن تنقید ہو تو اسے ایک طرف رکھیں کیونکہ ایسی باتیں لکھنے والے اکثر بہت کمتر ہوتے ہیں اور انہوں نے زندگی میں زیادہ ترقی نہیں کی ہوتی۔

انہوں نے مزید کہا تھا کہ میں اپنے اطمینان کے لیے کرکٹ کھیلتا ہوں اور جب تک کہ میرے اندر اطمینان باقی ہے میں کھیلتا رہوں گا۔