گوگل نیوز پر ہمیں فالو کریںانقرہ: ترک صدر رجب طیب اردوان نے خاتونِ اوّل امینہ طیب اردوان کے ہمراہ ملک کی پہلی الیکٹرک کار کو ٹیسٹ ڈرائیو کیا ہے۔
تفصیلات کے مطابق صدر رجب طیب اردوان اہلیہ امینہ کے ہمراہ ترکی کی پہلی الیکٹرک کار توگ کی ٹیسٹ ڈرائیو پر گئے۔ کمپنی نے یہ کار صدر رجب طیب اردوان کو تحفے میں دی۔
ترکی میں زلزلے کے بعد سیلاب نے تباہی مچادی، 14 افراد ہلاک
صدر ایردوان اپنی اہلیہ امینہ کے ساتھ ترکیہ کی پہلی الیکٹرک کار توگ کی ٹیسٹ ڈرائیو پر گئے، کمپنی نے یہ کار صدر ایردوان کو دی ہے اور دوسری گاڑی آذربائیجان کے صدر الہام علی یوف کو تحفے میں دی#Togg2023 #TOGG pic.twitter.com/CpVC1Ou6MT
— ترکیہ اردو (@TurkiyeUrdu_) April 4, 2023
ترک میڈیا کا کہنا ہے کہ صدر رجب طیب اردوان کے علاوہ دوسری گاڑی آذر بائیجان کے صدر الہام علیوف کو بھی تحفے میں دی گئی ہے جبکہ ترکی میں زلزلے اور سیلاب کے بعد کوئی پہلی اچھی خبر قرار دی جارہی ہے۔
خیال رہے کہ اس سے قبل ترکی میں زلزلے کے بعد طوفانی بارشوں سے متعدد علاقوں میں سیلاب آگیا جس کے نتیجے میں 14 افراد ہلاک ہوگئے تھے۔
ترکی میں زلزلے کے بعد دوسری آفت گزشتہ ماہ آئی، زلزلہ زدہ علاقوں میں بارشوں اور سیلاب نے شہریوں کی مشکلات میں مزید اضافہ کردیا، ادیامن اور سینے لورفا میں متعدد گھر ڈوب گئے، انڈر پاسز، سڑکیں ندی نالوں کا منظر پیش کرنے لگیں، کئی گاڑیاں سیلابی ریلے میں بہہ گئیں۔
سیلابی صورتحال کے باعث مختلف حادثات میں 14 افراد کی زندگی کی بازی ہارگئے جبکہ متعدد لاپتہ ہوئے۔ اس حوالے سے وزیر داخلہ سلیمان سویلو نے کہا کہ سیلابی علاقوں میں امدادی کارروائیاں تیزی سے جاری ہیں اور ریسکیو ٹیمیں لاپتہ ہونے والے افراد کو تلاش کررہی ہیں۔
