گوگل نیوز پر ہمیں فالو کریںپاکستان کے معروف اداکار احمد علی اکبر جنھیں آخری بار کامیاب ڈرامہ سیریل پری زاد میں دیکھا گیا تھا بہت جلد نئے ڈرامے دی ایڈیٹ میں نظر آئینگے جس کا ٹریلر بھی جاری کردیا گیا ہے۔
ڈرامہ گرین انٹرٹینمنٹ پر نشر کیا جائے گا جو جلد ہی پاکستان میں اپنی نشریات کا آغاز کرے گا، چینل پر کئی نئے ڈرامے پیش کیے جائینگے جن میں ایڈیٹ بھی شامل ہے۔
View this post on Instagram
ڈرامے میں احمد علی اکبر اور منشا پاشا مرکزی کردار ادا کریں گے، دونوں نے اس سے قبل فلم لال کبوتر میں ساتھ کام کیا تھا۔
ڈرامے کی کہانی دیگر ڈراموں سے کافی مختلف ہے اس میں ایک لڑکے کو دکھایا جائے گا جسے اپنے بزرگوں سے سوالات پوچھنے کا بہت زیادہ شوق ہے اور اس کے یہی سوالات کبھی کبھار اس کے بزرگوں کو پریشان بھی کرتے ہیں۔
انجم شہزاد کی ہدایت کاری میں بننے والے اس ڈرامے کو کفایت روڈانی نے تحریر کیا ہے۔
