گوگل نیوز پر ہمیں فالو کریںآواران: پاک فوج کی جانب سے بلوچستان کے علاقے آواران میں انٹیلی جنس کی بنیاد پر کی گئی کارروائی میں تین ‘دہشت گردوں ‘ کو ہلاک کر دیا۔
انٹر سروسز پبلک ریلیشنز کے مطابق سیکیورٹی فورسز نے آواران میں انٹیلی جنس کی بنیاد پر آپریشن کیا۔ فائرنگ کے تبادلے کے دوران تین دہشت گرد مارے گئے۔
آئی ایس پی آر کے مطابق پاک فوج نے 15 مارچ کو ایک مبینہ دہشت گرد گروپ کے خلاف آپریشن شروع کیا۔آئی ایس پی آر نے دعویٰ کیا کہ دہشت گرد تربت آواران روڈ پر فائرنگ اور بارودی سرنگیں بچھانے میں ملوث تھے۔
آپریشن کے دوران تین دہشت گردوں نے اپنے ٹھکانے سے فرار ہونے کی کوشش کی۔ رکنے کو کہا گیا تو انہوں نے سیکورٹی فورسز پر گولیاں چلا دیں۔
مزید پڑھیں:زمان پارک نوگو ایریا بنا ہوا تھا جسے کلیئر کرانے گئے تھے، نگراں وزیر اطلاعات پنجاب
اس سے قبل جمعے کو سیکیورٹی فورسز نے پولیس کے انسداد دہشت گردی ڈیپارٹمنٹ کے ساتھ مل کر چمن کے علاقے بوگھرا روڈ پر دہشت گردوں کے ٹھکانے سے بھاری مقدار میں اسلحہ اور گولہ بارود برآمد کیا تھا۔
