گوگل نیوز پر ہمیں فالو کریںکراچی: فلم گلوبو رانی کے اداکار اُسامہ جاوید حیدر نے بہترین اداکار کا بین الاقوامی ایوارڈ جیت لیا۔
اداکار و ہدایتکار عثمان مختار کی ہارر فلم ’گلابو رابی‘ کے اداکاراُسامہ جاوید حیدر نے ’Bucharest Shortcut Cinefest‘ میں بہترین اداکار کا بین الاقوامی ایوارڈ اپنے نام کرلیا ہے۔
فلم کے ہدایتکار عثمان مختار نے انسٹاگرام اکاؤنٹ پر اُسامہ جاوید حیدر کی تصویر شیئر کرتے ہوئے مداحوں کویہ خبر دی ساتھ ہی یہ بھی بتایا کہ کس طرح نوجوان اداکار نے انہیں صرف اپنے کام، جذبے اور عزم سے حیران کر دکھایا۔
View this post on Instagram
انہوں نے پوسٹ کے کیپشن میں لکھا کہ مجھے اس بچے پر بہت فخر ہے۔ میں اس سے لاہور میں ایک شوٹ کے دوران ملا جہاں ہم نے ایک ساتھ ایک سین کیا تھا۔ اس بچے کا 9 منٹ کا مونولاگ دیکھ کر میں اس کی اداکاری سے بےحد متاثر ہوا اور اس کی پرفارمنس سے حیران رہ گیا وہ ایک شاندار اور محنتی اداکار ہے۔
ہدایتکار و اداکار عثمان مختار نے اپنی فلم گلابو رانی کے اداکار اُسامہ جاوید کو بین الاقوامی ایوارڈ جیتنے پر مبارکباد پیش کرتے ہوئے انہیں خوب سراہا۔ عثمان مختار نے یہ بھی انکشاف کیا کہ اس فلم کے دوران اُسامہ جاوید حیدر کینسر سے لڑ رہے تھے۔
یاد رہے کہ عثمان مختار کی مختصر فلم ’گلابو رانی‘ 11 اپریل 2022 کو ریلیز کی گئی تھی جس نے لاس اینجلس سائنس فکشن ہارر فلم فیسٹیول میں بہترین مختصر فلم کا ایوارڈ بھی حاصل کیا تھا۔
