گوگل نیوز پر ہمیں فالو کریںلاہور: لاہور ڈویژن میں پہلی ڈیجیٹل مردم شماری یکم مارچ سے شروع ہوگی اور 30 مارچ کو اختتام پذیر ہوگی۔
کمشنر لاہور چوہدری محمد علی رندھاوا نے جمعہ کو ساتویں قومی مردم شماری کے حوالے سے منعقدہ اجلاس کی صدارت کرتے ہوئے کہا کہ پاکستان کی ساتویں مردم شماری میں ہر شہری خود اپنا ڈیٹا اپ لوڈ کر سکتا ہے جس کی نادرا سے تصدیق کی جائے گی۔
اجلاس میں وفاقی ادارہ شماریات کے افسران، ڈسٹرکٹ کمشنرز (DCs) اور اسسٹنٹ کمشنرز (ACs) نے شرکت کی۔
مزید پڑھیں:ملک بھر میں پہلی ڈیجیٹل مردم شماری کیلئے اساتذہ کی تربیت، ٹیبلٹ تقسیم
کمشنر نے مزید کہا کہ ٹیبلیٹ کے ساتھ شمار کنندگان ہر گھر تک پہنچیں گے اور ڈیٹا کو ڈیجیٹل طور پر اپ لوڈ کریں گے۔ ”ہر شمار کنندگان کی فیلڈ ٹیم کو 250 سے 300 گھروں کا ہدف دیا گیا تھا کہ وہ 15 دنوں میں مکمل کر لیں ”۔
