شہباز شریف، بلاول نے پاکستان کی جگ ہنسائی میں کسر نہیں چھوڑی۔ فواد چوہدری

اسلام آباد: سابق وزیرِ اطلاعات فواد چوہدری نے کہا ہے کہ موجودہ وزیر اعظم شہباز شریف اور وزیرِ خارجہ بلاول بھٹو زرداری نے پاکستان کی جگ ہنسائی میں کوئی کسر نہیں چھوڑی۔

سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما و سابق وزیرِ اطلاعات فواد چوہدری نے کہا کہ شہباز شریف اور بلاول نے بین الاقوامی سطح پر پاکستان کی جگ ہنسائی میں کبھی کوئی کسر نہیں چھوڑی۔

یہ بھی پڑھیں: 

نواز شریف میری نااہلی چاہتے ہیں۔ عمران خان

ٹوئٹر پیغام میں سابق وفاقی وزیر فواد چوہدری نے کہا کہ اس فیصلے کیلئے کتنی عقل چاہئے کہ ترکی کی حکومت اور عوام شدید صدمے میں ہیں۔ ابھی ہزاروں لوگ ملبے کے نیچے دبے ہوئے ہیں۔ وہ اس وقت میزبانی نہیں کرسکیں گے۔

پیغام میں پی ٹی آئی رہنما فواد چوہدری نے ترکی کے ملتوی دورے کے متعلق وزیر اعظم شہباز شریف اور وزیرِ خارجہ بلاول بھٹو زرداری کو سخت تنقید کا نشانہ بناتے ہوئے کہا کہ احمقوں کا یہ ٹولہ زبردستی کا مہمان بن گیا۔

شہبازشریف اوربلاول نے بین الاقوامی سطح پر پاکستان کی جگ ہنسائ میں کبھی کوئ کسر نہیں چھوڑی اس فیصلے کیلئے کتنی عقل چاہئے کہ ترکی کی حکومت اور عوام شدید صدمے میں ہیں ابھی ہزاروں لوگ ملبے کے نیچے دبے ہیں وہ اس وقت میزبانی نہیں کرسکیں گے لیکن احمقوں کا یہ ٹولہ زبردست کا مہمان بن گیا https://t.co/eox7FjynU0

— Ch Fawad Hussain (@fawadchaudhry) February 8, 2023

سابق وفاقی وزیر فواد چوہدری نے لاہور ہائیکورٹ کی جانب سے اسپیکر قومی اسمبلی کی جانب سے پی ٹی آئی اراکین کے استعفیٰ منظوری کے اقدام کے متعلق کہا کہ اسپیکر جمہوریت کا پاس رکھیں اور اپوزیشن لیڈر تبدیل کرنے کا نوٹیفکیشن جاری کریں۔

فواد چوہدری نے کہا کہ ہر بات کیلئے عدالت جانا کوئی اچھی پارلیمانی روایت نہیں ہے۔ واضح رہے کہ لاہور ہائیکورٹ نے تاحکمِ ثانی قومی اسمبلی کے 43 حلقوں میں ضمنی الیکشن روکنے کا حکم دیا ہے۔

اور اس کے ساتھ ہی اسپیکر تھوڑاسا جمہوریت کا پاس رکھیں اور لیڈر آف اپوزیشن کو تبدیل کرنے کا نوٹیفیکیشن جاری کریں ہر بات کیلئے عدالت جانا کوئ اچھی پارلیمانی روائیت نہیں https://t.co/u9IHwUu1TT

— Ch Fawad Hussain (@fawadchaudhry) February 8, 2023