ویڈیو: زلزلے کے جھٹکوں سے اسٹوڈیو ہل رہا تھا، مگر تُرک نیوز اینکر خبریں پڑھتی رہی

ترکی اور شام میں آنے والے زلزلے کے بعد سے دلخراش مناظر اور ویڈیوز کے آنے کا سلسلہ جاری ہے۔

سوشل میڈیا پر سامنے آنے والی تصاویر اور ویڈیوز سے جہاں تباہی اور نقصانات کا اندازہ لگایا جاسکتا ہے وہیں ان ویڈیوز اور تصاویر کو دیکھ کر ایک بار پھر ثابت ہوگیا کہ جسے اللّٰہ رکھے اسے کون چکھے۔

زلزے کے دوران ترکی کے ایک اسٹوڈیو کی ویڈیو سامنے آئی ہے ، جس میں دیکھا جاسکتا ہے کہ زلزلے کے جھٹکوں سے پورا کمرہ ہل رہا ہے لیکن نیوز اینکر اپنے خوف پر قابو پاتے ہوئے مسلسل خبریں پڑھ رہی ہے ۔

This news anchor presented the #TurkeyEarthquake news in a critical situation.#TurkeySyriaEarthquake pic.twitter.com/V8LBzCgc9I

— Emma Atkins???????????????????????????? (@Emma198635) February 8, 2023

یہ بھی پڑھیں:

ترکی میں زلزلہ، 28 سالہ تُرک گول کیپر ملبے تلے دب کر جاں بحق

دوسری جانب سوشل میڈیا پر ایک اور ویڈیو وائرل ہورہی ہے جس میں ایک کتیہ اپنے نومولود بچے کو ملبے سے نکالنے کی کوشش کررہی ہے، جس کی مدد وہاں پر موجود ایک مہربان شخص کرتا ہے۔

Be kind to every kind not just mankind. #TurkeySyriaEarthquake pic.twitter.com/bAthdukeDR

— Marcela Menéndez (@marcelamenendez) February 8, 2023

ویڈیو میں دیکھا جاسکتا ہے کہ کئی بلاکس کو ہٹانے کے بعد آخرکار وہ مہربان شخص زندہ سلامت کتیہ کے بچے کو نکالنے میں کامیاب ہوجاتا ہے۔

واضح رہے کہ ترکی اور شام میں زلزلے سے ہونے والی ہلاکتوں کی تعداد 10 ہزار سے تجاوز کرچکی ہے۔