مجھ پر قاتلانہ حملوں کے پیچھے طاقتور حلقوں کا ہاتھ تھا، تصدیق ہوگئی۔عمران خان

لاہور: پاکستان تحریکِ انصاف کے چیئرمین و سابق وزیر اعظم عمران خان نے کہا ہے کہ تصدیق ہوگئی ہے کہ مجھ پر قاتلانہ حملوں کے پیچھے طاقتور حلقوں کا ہاتھ تھا جبکہ دباؤ ڈالنے کا عمل اب بھی جاری ہے۔

سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ میڈیا رپورٹس کے مطابق جے آئی ٹی ممبران پر میرے خلاف قاتلانہ حملے کی تحقیقات کرنے والی جے آئی ٹی کے نتائج سے خود کو دور رکھنے کیلئے دباؤ ڈالا جارہا ہے۔

یہ بھی پڑھیں:

معیشت سنبھالنے کے دعوے دار اغیار کے پاؤں میں گرگئے۔عمران خان

As per media reports, JIT members being pressurised to distance themselves from the findings of JIT investigating assassination plot against me. This further confirms my conviction that powerful quarters were behind the assassination attempt on me.

— Imran Khan (@ImranKhanPTI) January 10, 2023

ٹوئٹر پیغام میں چیئرمین پی ٹی آئی وسابق وزیر اعظم عمران خان نے اسٹیبلشمنٹ کو تنقید کا نشانہ بناتے ہوئے کہا کہ دباؤ ڈالنا میرے اس یقین کی مزید تصدیق کرتا ہے کہ مجھ پر قاتلانہ حملے کے پیچھے طاقتور حلقوں کا ہاتھ تھا۔

خیال رہے کہ اس سے قبل چیئرمین پی ٹی آئی و سابق وزیر اعظم عمران خان نے کہا کہ معیشت سنبھالنے کے دعوے دار آج اغیار کے پاؤں میں گرے ہوئے ہیں، لاؤ لشکر سمیت جنیوا جا کر بھیک مانگتے انہیں شرم بھی نہ آئی؟

 عمران خان نے گزشتہ روز وزیر اعظم شہباز شریف کی جانب سے وفاقی کابینہ سمیت جنیوا کانفرنس میں شرکت کو تنقید کا نشانہ بنایا۔زمان پارک میں وزیر اعلیٰ پنجاب چوہدری پرویز الٰہی سے ملاقات کے دوران گفتگو میں  چیئرمین تحریکِ انصاف عمران خان نے حکومت کو نالائق ٹولہ قرار دے دیا۔