گوگل نیوز پر ہمیں فالو کریںکراچی: الیکشن کمیشن نے کراچی، حیدرآباد اور ٹھٹہ میں نئی ووٹر لسٹوں پر بلدیاتی الیکشن کرانے سے متعلق ایم کیو ایم کی درخوست مسترد کردی۔
چیف الیکشن کمشنر کی سربراہی میں 3 رکنی بینچ نے کراچی بلدیاتی انتخابات سےمتعلق ایم کیو ایم کی درخواست پر فیصلہ سنادیا ہے۔جس میں الیکشن کمیشن نے بلدیاتی انتخابات کے حوالے سے جماعت اسلامی کی درخواست منظور کرلی۔
الیکشن کمیشن نے اپنے حکم میں کہا ہے کہ کراچی اور حیدرآباد میں بلدیاتی اتنخابات شیڈول کے مطابق 15 جنوری کو ہی ہوں گے، چیف سیکرٹری اور قانون نافذ کرنے والے ادارے الیکشن کے انعقاد کو یقینی بنائیں۔
پاکستان کو خطرہ بیرونی طاقت سے نہیں ملک کے اندر سے ہے، شیخ رشید
یاد رہے کہ جمعہ 6 جنوری کو الیکشن کمیشن نے کراچی میں بلدیاتی انتخابات سے متعلق درخواستوں پر سماعت کے بعد فیصلہ محفوظ کیا تھا۔
واضح رہے کہ گزشتہ سال 22 نومبر کو الیکشن کمیشن آف پاکستان کی جانب سے کراچی کے بلدیاتی انتخابات سے متعلق محفوظ کیا گیا فیصلہ سناتے ہوئے کہا گیا تھا کہ کراچی میں بلدیاتی انتخابات 15 جنوری 2023 کو ہوں گے۔
چیف الیکشن کمشنر سکندر سلطان راجہ نے کراچی کے بلدیاتی انتخابات سے متعلق فیصلہ خود سنایا تھا۔
