گوگل نیوز پر ہمیں فالو کریںکراچی: سندھ کی صوبائی کابینہ نے خواجہ سراؤں کے لیے لوکل کونسلز میں نشستیں مختص کردی ہیں۔جمعہ کو صوبائی کابینہ کا اجلاس وزیراعلیٰ ہاؤس میں ہوا جس کی صدارت وزیراعلیٰ سندھ سید مراد علی شاہ نے کی۔
اجلاس میں تمام صوبائی وزراء، مشیران، معاونین خصوصی، چیف سیکرٹری سہیل راجپوت، چیئرمین پی اینڈ ڈی حسن نقوی، پی ایس سی ایم فیاض جتوئی اور دیگر متعلقہ افسران نے شرکت کی۔
صوبائی وزیر بلدیات سید ناصر شاہ کی درخواست پر صوبائی کابینہ نے چھ کیٹیگریز کے لیے لوکل کونسل کے لیے مخصوص نشستیں مختص کرنے پر تبادلہ خیال کیا۔
اس میں خواتین، نوجوان (کم از کم ایک نشست)، مزدور یا کسان ایک نشست، غیر مسلم اراکین کو ایک نشست، معذور افراد کو ایک نشست اور خواجہ سراؤں کے لیے ایک نشست شامل تھی۔
صوبائی کابینہ نے وزیر ٹرانسپورٹ شرجیل انعام میمن کی درخواست پر شہر میں پہلے سے چل رہی پیپلز بس سروس کے لیے 12 میٹر کی 40 مزید ہائبرڈ بسوں کی خریداری کے لیے 1.7 ارب روپے کی منظوری دی۔
صوبے میں سیاحتی مقامات کے لیے پیپلز بس سروس شروع کرنے کی تجویز بھی زیر بحث آئی۔
مزید پڑھیں:حکومت 30,000 بے روزگار گریجویٹس کی مدد کے لیے انٹرن شپ پروگرام شروع کریگی
کابینہ نے وزیر ثقافت سردار شاہ کو تحریری تجویز پیش کرنے کی ہدایت کی تاکہ کراچی سے بڑے سیاحتی مقامات کے لیے بسیں چلائی جا سکیں۔
