گوگل نیوز پر ہمیں فالو کریںکیف: یوکرینی صدر ولودومیر زیلنسکی نے کہا ہے کہ ہمارے ملک کی فوج نے حملہ کرنے کی صلاحیت نہیں گنوائی اور ہم آئندہ سال کے آغاز میں فضائی دفاع کو مضبوط بنائیں گے۔
تفصیلات کے مطابق نئے سال کی آمد کے متعلق اپنے حالیہ بیان میں یوکرین کے صدر ولودومیر زیلنسکی نے کہا کہ یوکرینی فوج اب بھی ڈونباس میں دفاعی پوزیشن پر ہے اور معمولی پیشرفت بھی کر رہی ہے۔
روس یوکرین سے مذاکرات کے لیے تیار ہے، روسی صدر
بیان میں یوکرین کے صدر ولودومیر زیلنسکی نے روس سے طویل عرصے سے جاری جنگ کے متعلق کہا کہ ہم اگلے سال کے آغاز میں فضائی دفاع مضبوط بنانے کے قابل ہیں۔ یوکرینی فوج نے حملہ کرنے کی صلاحیت کو گنوایا نہیں۔
خیال رہے کہ اس سے قبل روس کے صدر پیوٹن نے کہا کہ روس یوکرین کی جنگ میں شامل تمام فریقوں کے ساتھ بات چیت کے لیے تیار ہے لیکن کیف اور اس کے مغربی حمایتیوں نے مذاکرات میں شامل ہونے سے انکار کر دیا۔
روس کے 24 فروری 2021 کو یوکرین پر حملے نے دوسری جنگ عظیم کے بعد سے یورپ میں سب سے مہلک تنازعہ اور 1962 کیوبا کے میزائل بحران کے بعد سے ماسکو اور مغرب کے درمیان سب سے بڑا تصادم شروع کیا تھا۔
