گوگل نیوز پر ہمیں فالو کریںدسمبر کا مہینہ ختم ہونے میں اب صرف کچھ ہی دن رہ گئے ہیں، ویڈیو اسٹریمنگ پلیٹ فارم نیٹ فلکس پر آئندہ ماہ پیش کیے جانے والے مختلف مشہور سلسلوں کی فہرست سامنے آگئی۔
نیٹ فلکس نے دسمبر میں اپنے ناظرین و سامعین کی بھرپور تفریح کا اہتمام کیا ہے۔
ایملی اِن پیرس (سیزن 3)
ایملی اِن پیرس کامیڈی ڈرامہ پر مبنی ایک سیریز ہے جس میں ایک امریکی لڑکی کو دکھایا گیا ہے جو کہ فرانس کا سفر کرتی ہے۔ وہ فرانس میں بالکل الگ دنیا کو دریافت کرتی ہے۔
بہترین ڈرامے کا وعدہ کرتی ہوئی نیٹ فلکس سیریز ایملی اِن پیرس آن لائن اسٹریمنگ پلیٹ فارم پر 21 دسمبر کو پیش کی جائے گی۔
گلاس اونین، اے نائیوز آؤٹ مسٹری
ریان جانسن کے بریک آؤٹ کا سیکوئل کہلانے والی مسٹری کامیڈی فلم نائیوز آؤٹ گلاس اونین معروف جاسوس بیوئٹ بلینک (ڈینیل کریگ) کے ساتھ ایک اور قتل پر سسپنس سے بھرپور فلم ہے جو 23 دسمبر کو شروع ہوگی۔
دی وِچر۔ بلڈ اوریجن
بین الاقوامی اسٹریمنگ پلیٹ فارم نے تصدیق کی ہے کہ دی وچر بلڈ اوریجن کے نام سے وچر سیریز کا اگلا سیزن 25 دسمبر سے نیٹ فلکس پر پیش کیا جائے گا جس کا ناظرین و سامعین کو شدت سے انتظار تھا۔
وائٹ نوئز
رواں برس کی بلیک کامیڈی فلم جو خوفناک بھی ہے اور انسانی زندگی کے چھوٹے چھوٹے پہلوؤں کا احاطہ کرتی ہے، فلم 30 دسمبر کو نشر کی جائے گی۔
ایلز اِن بارڈر لینڈ (سیزن2)
مشہور آن لائن اسٹریمنگ پلیٹ فارم نیٹ فلکس پر ریسنگ شو ایلز اِن بارڈر لینڈ کے دوسرے سیزن کا آغاز 22 دسمبر سے ہورہا ہے۔ سیریز کی تمام اقساط جمعرات کو ریلیز ہونگی۔
