گوگل نیوز پر ہمیں فالو کریںاپسالہ: بھارتی پروفیسر اشوک سوائن نے مودی حکومت کی الزام تراشیاں بے نقاب کرتے ہوئے کہا ہے کہ بھارتی وزیر اعظم دوسروں کو چین کا ایجنٹ قرار دے رہے ہیں جبکہ چین سے فنڈنگ بھی لی جارہی ہے۔
سماجی رابطے کی ویب سائٹ ٹوئٹر پر سویڈن کی اپسالہ یونیورسٹی میں جنگ اور امن کا مضمون پڑھانے والے بھارتی پروفیسر اشوک سوائن نے کہا کہ چین نے امبانی کی بنائی ہوئی تنظیم کو فنڈنگ کی۔
عمران خان کی شہرت بڑھ جائیگی۔ اشوک سوائن کی پیشگوئی
ٹوئٹر پیغام میں بھارتی پروفیسر اشوک سوائن نے کہا کہ آبزرور ریسرچ فاؤنڈیشن (او آر ایف) کو چین نے پہلے 7.7 لاکھ 29 اپریل 2016 میں اور پھر 11.55 لاکھ 4 نومبر کو دئیے۔
بھارتی پروفیسر اشوک سوائن نے کہا کہ چین نے 1 اعشاریہ 06 کروڑ 31 دسمبر 2017 اور 50 لاکھ یکم دسمبر 2017 کو دئیے۔ نریندر مودی حکومت کے وزیر خارجہ کا بیٹا او آر ایف کیلئے کام کرتا ہے جبکہ مودی حکومت دوسروں کو چین کا ایجنٹ قرار دیتی ہے۔
China gave the Ambani-established Observer Research Foundation (ORF) Rs 7.7 lakh on 29 April 2016; Rs 11.55 lakh on 4 Nov 2016; Rs 1.06 crore on 31 Dec 2016, & Rs 50 lakh on 1 Dec 2017. Modi's foreign Minister's son works for ORF, & they call others Chinese agents!
— Ashok (@ashoswai) December 19, 2022
خیال رہے کہ اس سے قبل سویڈن میں تعلیم دینے والے بھارتی پروفیسر اشوک سوائن نے پاکستان کے سابق وزیر اعظم کی ممکنہ گرفتاری کے خلاف پیشگوئی کرتے ہوئے کہا کہ اگر عمران خان کو گرفتار کیا جاتا ہے تو ان کی شہرت بڑھ جائے گی۔
ٹوئٹر پر اگست کے دوران اپنے ایک پیغام میں پروفیسر اشوک سوائن نے کہا کہ عمران خان پاکستان میں بے حد مشہور ہیں جبکہ کسی بھی سیاسی رہنما کو شکست دینی ہو تو سیاسی راستہ ہی اختیار کرنا پڑتا ہے۔
