گوگل نیوز پر ہمیں فالو کریںکراچی: پاکستان تحریکِ انصاف سندھ کے صدر و سابق وزیرِ بحری امور علی زیدی نے کہا ہے کہ امپورٹڈ حکمرانوں نے پاکستان کو مسائل کی دلدل میں دھکیل دیا جبکہ عام انتخابات ناگزیر ہوچکے ہیں۔
سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر سیّد علی حیدر زیدی نے کہا کہ ملک کو بحرانوں سے نکالنے کیلئے عام انتخابات ناگزیر ہوچکے، ملک پر قابض کرپٹ اشرافیہ نے پاکستان کو مسائل کی دلدل میں دھکیل دیا۔
عمران خان کا نجی ٹی وی اور شاہزیب خانزادہ پر ہتکِ عزت کا مقدمہ
ٹوئٹر پیغام میں پی ٹی آئی سندھ کے صدر علی زیدی نے کہا کہ یہ اشرافیہ خود کو آئین و قانون سے بالاتر سمجھتے ہیں۔ امپورٹڈ حکمرانوں نے عوام کے حقوق سلب کر رکھے ہیں۔ ہم کسی صورت اس ملک کو لٹیروں کے رحم و کرم پر نہیں چھوڑ سکتے۔
پیغام میں علی زیدی نے کہا کہ غیر جمہوری حکومت سے ملک میں استحکام نہیں آسکتا۔ ہمارا انتخابات کا مطالبہ قانونی و قومی جذبات کا آئینہ دار ہے۔ پی ڈی ایم کو خوف ہے کہ اگر الیکشن کرائے گئے تو پی ٹی آئی جیت جائے گی۔
غیر جمہوری حکومت ملک میں استحکام نہیں لا سکتی!
ہمارا مطالبہ قانونی اور قومی جذبات کا آئینہ دار ہے۔PDM کو پتاہے الیکشن کرائے تو @PTIofficial جیتے گی۔
عمران خان ان چوروں کے لئے ڈراؤنا خواب بن چکے ہیں!
قوم حوصلہ رکھے، کرپٹ حکمرانوں کے آخری دن ہیں— Ali Haider Zaidi (@AliHZaidiPTI) December 17, 2022
سابق وزیرِ بحری امور علی زیدی نے کہا کہ یہ ایک فیصلہ کن مرحلہ ہے۔ عوام عمران خان کے ساتھ ہیں جبکہ عمران خان چوروں کیلئے ڈراؤنا خواب بن چکا ہے۔ قوم حوصلہ رکھے۔ کرپٹ حکمرانوں کے آخری دن چل رہے ہیں۔
