پاکستانی روپے کے مقابلے میں امریکی ڈالر کی قدر میں معمولی اضافہ

کراچی: پاکستانی روپے کے مقابلے میں ڈالرکی قیمت میں مسلسل اضافہ دیکھنے میں آرہا ہے۔

فاریکس ڈیلرز ایسوسی ایشن کے مطابق آج صبح سے ہی ڈالر کی قدر میں اضافہ دیکھنے میں آرہا ہے۔ انٹربینک میں کاروبار کے آغاز پر ڈالر 9 پیسے مہنگا ہونے کے بعد 224 روپے 80 پیسے پر ٹریڈ کررہا ہے۔

گزشتہ روز پاکستانی روپے کے مقابلے میں ڈالر کی قیمت میں 1 پیسے کا اضافہ ہواتھا جبکہ اوپن مارکیٹ میں قیمت مستحکم رہی تھی۔ انٹر بینک میں گزشتہ روز ڈالر 224 روپے 70 پیسے پر بند ہوا تھا۔

یہ بھی پڑھیں:

پاکستان اور امریکا بہت سے شعبوں میں مل کر کام کر رہے ہیں۔بلاول بھٹو زرداری

دوسری جانب پاکستان اسٹاک ایکسچینج میں کاروبار کا مثبت آغاز ہوا ہے۔ پاکستان اسٹاک ایکسچینج کا 100 انڈیکس 125 پوائنٹس کے اضافے سے 41863 پر آ گیا ہے۔