گوگل نیوز پر ہمیں فالو کریںمیرانشاہ: سکیورٹی فورسز نے شمالی وزیرستان میں دہشت گردوں کے خلاف کارروائی کرتے ہوئے چار دہشتگردوں کو ہلاک کردیا۔
آئی ایس پی آر کے مطابق خیبرپختونخوا کے ضلع شمالی وزیرستان کے علاقے اسپن وام میں سکیورٹی فورسز نے خفیہ معلومات کی بنیاد پر کارروائی کی۔
بیان میں مزید کہا گیا ہے کہ آپریشن کے دوران سکیورٹی فورسز اور دہشتگردوں کے درمیان فائرنگ کا تبادلہ ہوا۔ جس کے باعث 4 دہشتگرد واصل جہنم ہوگئے، ہلاک ہونے والوں دہشتگردوں کا تعلق کالعدم تحریک طالبان کے حافظ گل بہادر گروپ سے تھا۔
مزید پڑھیں:دہشتگردی کے خلاف جنگ قومی اتحاد و یکانگت سے کامیاب ہوئی: آرمی چیف
آئی ایس پی آر کے جاری کردہ بیان میں مزید کہا گیا ہے کہ دہشت گرد سیکورٹی فورسز کے خلاف کارروائیوں میں سرگرم رہے۔ ہلاک دہشت گردوں سے اسلحہ اور گولہ بارود برآمد کرلیا گیا ہے۔
