میرے پاس تم ہو میں ہمایوں سعید کا ڈائیلاگ بالکل غیر مناسب تھا، نوین وقار

شوبز انڈسٹری کی معروف اداکارہ نوین وقار نے مشہور ڈرامہ سیریل میرے پاس تم ہو کے ڈائیلاگ پر تبصرہ کرتے ہوئے کہا ہے کہ خلیل الرحمان قمر نے بالکل غیر مناسب ڈائیلاگ لکھا تھا۔

حال ہی میں ڈرامہ سیریل چھلاوا کی اداکارہ نے ایک انٹرویو دیا، جس میں انہوں نے مختلف موضوعات کے حوالے سے گفتگو کی۔

نوین وقار نے اپنی طلاق سے متعلق تبصرہ کرتے ہوئے کہا کہ جب میری طلاق ہوئی تھی، اُس وقت میرا کیریئر شروع ہوا تھا ایسے میں میرے لئے اُن حالات سے نکلنا بہت زیادہ مشکل تھا۔

یہ بھی پڑھیں:

سارہ علی خان کس بھارتی کرکٹر کو ڈیٹ کررہی ہیں؟

ادکارہ نے کہا کہ طلاق کے بعد میں ڈپریشن میں چلی گئی تھی، جس دوران میرے دوستوں نے میرا بہت زیادہ ساتھ دیا اور اسی دوران مجھے یہ احساس ہوا کہ ہر بات سوشل میڈیا پرپوسٹ نہیں کی جاتی۔

اداکارہ نوین وقار نے ڈرامہ انڈسٹری میں خواتین کے کردار کے حوالے سے بھی بات کی، انہوں نے کہا کہ پاکستانی ڈراموں میں مردوعورت کے کرداروں میں ہمیشہ بہت فرق دکھایا جاتا ہے۔

اُن کا کہنا تھا کہ مجھے ڈرامہ سیریل میرے پاس تم ہو میں خلیل الرحمان کا دوٹکے کی عورت والا ڈائیلاگ بالکل اچھا نہیں لگا، انہوں نے آخر میں سوال کیا کہ آخر لوگ اس قسم کے ڈائیلاگ کیوں لکھتے ہیں۔