گوگل نیوز پر ہمیں فالو کریںکراچی: بوٹ بیسن پولیس نے کراچی کے علاقے کلفٹن پر واقع ہوٹل میں خفیہ اطلاع پر کارروائی کرتے ہوئے ڈکیتی میں ملوث گروہ میں شامل 3 ملزمان کو حراست میں لے لیا۔
گزشتہ ماہ چند مسلح ملزمان نے کلفٹن کے علاقے بلاک 2 میں واقع ایک ہوٹل پر بیٹھے شہریوں سے لوٹ مار کی اور ہوائی فائرنگ کرتے ہوئے فرار ہوگئے تھے۔
واقعے کی اطلاع پر پولیس نے مقدمہ درج کیا اور ملزمان کی گرفتاری کے لیے ایس ایس پی ضلع ساؤتھ سید اسد رضا نے ٹیم تشکیل دی، ٹیم نے خفیہ اطلاع، تکنیکی ذرائع اور CCTV فوٹیج کی مدد سے گروہ میں شامل 3 ملزمان کو گرفتار کر لیا۔
ملزمان کے قبضے سے 3 عدد پستول اور 6 عدد موبائل فون برآمدکرلئے گئے، ملزمان کی شناخت عادل علی، آفاق اور ایوب خان کے ناموں سے ہوئی۔
مزید پڑھیں:بھائی کیساتھ سوئمنگ کیلئے جانیوالی معصوم بچی مبینہ زیادتی کے بعد قتل
