اسلام آباد، جشنِ آزادی کے روز غیر ملکی خواتین کو ہراساں کرنے کا انکشاف، مقدمہ درج

اسلام آباد: پاکستان کے 75 ویں یوم آزادی کے موقع پر دارالحکومت میں غیر ملکی خواتین کو ہراساں کرنے کا انکشاف ہوا ہے، جس کی ویڈیوسوشل میڈیا پر وائرل ہوگئی ہیں۔

تفصیلات کے مطابق غیر ملکی خواتین کو شکر پڑیاں موونومنٹ پر حراساں کیا گیا۔ واضح رہے کہ شہر اقتدار میں ایگل سیکورڈ تعینات ہے جو برائے نام ہے یہی وجہ ہے کہ موقع مناسبت پر ایگل سیکورڈ کے ملازم بھی گم ہوگئے۔

14اگست اہم دن کے موقع پر بھی موونومنٹ آنے والی فیملیز کے لیے پولیس اہلکار تعینات نہیں تھے۔ پولیس افسران کے لیے یہ بھی لمحہ فکریہ ہے کہ اوباش لڑکوں کی جانب سے غیرملکی خواتین کو ایک گھنٹے تک حراساں کیا جاتا رہا جس دوران پولیس وہاں پر موجود نہ تھی۔

مقامی پولیس اسٹیشن تھانہ آبپارہ پولیس نے سب انسپکٹر آصف علی کی مدعیت میں مقدمہ نمبر708/22زیر دفعات 354/509/147/149ت پ درج کرلیا، تاہم کسی بھی ملزم کی گرفتاری عمل میں نہیں لائی گئی۔

دوسری جانب شکر پڑیاں پر خواتین کو ہراساں کرنے کا معاملہ پر آئی جی اسلام آباد ڈاکٹر اکبر ناصر خاں نے واقعہ کا سختی سے نوٹس لے لیا۔ پولیس کے مطابق واقعہ کا مقدمہ درج کرکے تفتیش شروع کردی گئی۔

ملزمان کی شناخت کے لئے ویڈیو نادرا کو بھجوائی جارہی ہے۔ ویڈیو میں تمام ملزمان کی شناخت کرکے گرفتار کیا جائے گا۔ کیس کو ڈی آئی جی آپریشنز سہیل ظفر چٹھہ خود سپروائز کریں گے۔

ترجمان پولیس کے مطابق آئی جی اسلام اباد نے کہا کہ یہ ایک افسوس ناک اور مجرمانہ فعل ہے اور ہر طبقہ فکر کے لوگوں کو اس کی بھرپور مذمت کرنے کی ضرورت ہے۔ ملزمان کی گرفتاری جلدازجل عمل میں لائی جائے گی۔