عمران ریاض خان کو چینل انتظامیہ نے آن ایئر پروگرام کرنے سے روک دیا

اسلام آباد: معروف اینکر پرسن عمران ریاض خان کو چینل انتظامیہ نے آن ایئر پروگرام کرنے سے منع کردیا۔

 اس حوالے سے معروف صحافی عمران ریاض نے اپنے سوشل میڈیا ٹویٹر اکاؤٹ پر ٹوئٹ کیا اور مذکورہ معاملے کے بارے میں آگاہی فراہم کی۔

عمران ریاض خان نے اپنے ٹوئٹ میں تحریر کیا کہ میں ایکسپریس نیوز کے آفس میں پروگرام کرنے گیا تو مجھے بتایا گیا کہ ہم مجبور ہیں، آپ کو آن ایئر نہیں جانے دے سکتے۔

میں ایکسپریس نیوز کے آفس میں پروگرام کرنے گیا تو مجھے بتایا گیا کہ”ہم مجبور ہیں آپکو آن ایئر نہیں جانے دے سکتے“ میں نے وجہ پوچھی کہ کیا کوئی غلط چیز میرے پروگرام میں چلی ہے؟ تو مجھے بتایا گیا کہ ”نہیں آپ نے کچھ غلط نہیں کیا ہمیں افسوس ہے کہ آپکو روکنا پڑا ہے”

— Imran Khan (@ImranRiazKhan) August 15, 2022

عمران ریاض خان نے کہا کہ میں نے اس کی وجہ پوچھی کہ کیا کوئی غلط چیز میرے پروگرام میں چلی ہے؟ تو مجھے بتایا گیا کہ نہیں آپ نے کچھ غلط نہیں کیا، ہمیں افسوس ہے کہ آپ کو روکنا پڑا ہے۔

واضح رہے کہ چند روز قبل مسلم لیگ ن کی حکومت کو تنقید کا نشانہ بنانے پر معروف صحافی واینکر پرسن عمران ریاض خان کو پولیس نے گرفتار کرلیاتھا۔

عمران ریاض خان لاہور سے واپس اسلام آباد آرہے تھے کہ اس دوران انہیں اسلام آباد ٹول پلازہ کے قریب گرفتار کیا گیاتھا، اس موقع پر پولیس اور رینجرز اہلکاروں کی بڑی تعداد موجود تھی۔

صحافی عمران ریاض کو گرفتار کر کے اُن کا موبائل فون، بٹوا سمیت دیگر تمام اشیا پولیس نے قبضے میں لے لیں تھی، پہلے تو گرفتاری کو چھپانے کی کوشش کی جارہی تھی مگر پھر فوٹیج سامنے آنے کے بعد اٹک پولیس نے گرفتاری کی تصدیق کی تھی‘۔