شہباز گِل نے بغاوت کے مقدمے کیخلاف عدالت سے رجوع کرلیا

اسلام آباد: پی ٹی آئی رہنما شہباز گل نے اپنے خلاف درج بغاوت کے مقدمے کے خلاف پیر کو اسلام آباد ہائی کورٹ (آئی ایچ سی) سے رجوع کرتے ہوئے کہا کہ غداری کا مقدمہ صرف وفاقی حکومت کے سیاسی ایجنڈے کو پورا کرنے کے لیے دائر کیا گیا۔

اپنے خلاف درج مقدمے کو خارج کرنے کی درخواست کرتے ہوئے شہباز گل نے اپنی درخواست میں کہا کہ یہ مقدمہ بدنیتی پر مبنی ہے۔

درخواست میں کہا گیا کہ اسلام آباد پولیس نے حکومت کے ساتھ اپنی وفاداری ظاہر کرنے کے لیے مقدمہ درج کیا۔ یہ مقدمہ صرف وفاقی حکومت کے سیاسی ایجنڈے کو پورا کرنے کے لیے دائر کیا گیا،“۔

قبل ازیں، اسلام آباد ہائیکورٹ نے شہباز گِل کو غداری کے مقدمے میں ایک علیحدہ درخواست کے تحت اپنے جسمانی ریمانڈ میں توسیع کو مسترد کرنے کے خلاف وفاقی حکومت کی درخواست پر نوٹس جاری کیا۔

اسلام آباد کے ایڈووکیٹ جنرل جہانگیر جدون نے ہفتہ (13 اگست) کو عدالت سے استدعا کی کہ ڈسٹرکٹ اینڈ سیشن عدالت کے فیصلے کو کالعدم قرار دیا جائے اور شہباز گل کے جسمانی ریمانڈ میں توسیع کی جائے۔

مزید پڑھیں:وزیر اعظم کا مصر کے چرچ میں آتشزدگی اور جانی نقصان پر اظہارِ افسوس

شہباز گِل کو گزشتہ منگل کی سہ پہر دارالحکومت کے بنی گالا چوک سے ایک نجی ٹی وی چینل پر متنازعہ ریمارکس کرنے کے ایک دن بعد گرفتار کیا گیا تھا۔ اس کے بعد ان پر بغاوت اور ریاستی اداروں کے ارکان کو پاک فوج کے خلاف اکسانے کے الزامات کے تحت مقدمہ درج کیا گیا۔