ڈائمنڈ جوبلی، اسٹیٹ بینک نے 75روپے کا یادگاری نوٹ جاری کردیا

کراچی: ملک کی 75ویں سالگرہ (ڈائمنڈ جوبلی) کے موقعے پر اسٹیٹ بینک آف پاکستان نے 75روپے کا یادگاری نوٹ جاری کیا ہے جس پر تاریخی شخصیات کی تصاویر شائع کردی گئیں۔

سماجی رابطے کی ویب سائٹ ٹوئٹر پر اپنے پیغام میں مرکزی بینک نے یادگاری نوٹ کی تصاویر شائع کرتے ہوئے آگاہ کیا کہ نوٹ پر بابائے قوم محمد علی جناح، مادرِ ملت محترمہ فاطمہ جناح، شاعرِ مشرق علامہ اقبال اور سر سیّد احمد خان کی تصویریں ہیں۔

یہ بھی پڑھیں:

میرا پاکستان میرا گھر اسکیم کے دوبارہ اجراء کا فیصلہ

2/2 The note has portraits of Quaid-i-Azam, Sir Syed Ahmed Khan, Allama Iqbal & Mohtarma Fatima Jinnah to recognize and acknowledge their contribution in Pakistan movement. The picture of Markhor on the note’s reverse highlights our focus on environmental sustainability.

— SBP (@StateBank_Pak) August 14, 2022

اسٹیٹ بینک آف پاکستان کے جاری کردہ بیان کے مطابق یادگاری نوٹ پر بابائے قوم، مادرِ ملت، شاعرِ مشرق اور سر سیّد احمد خان کی تصاویر تحریکِ آزادی کی یادگار کے طور پر جاری کی گئیں۔

خیال رہے کہ پاکستانی قوم آج اپنا 75واں یومِ آزادی ملی جوش و جذبے کے ساتھ منا رہی ہے۔ مرکزی بینک کے بیان کے مطابق یادگاری نوٹ کی پشت پر قومی جانور مارخور کی تصویر پائیدار ماحول پر توجہ کی عکاسی کرتی ہے۔

ملک بھر میں یومِ آزادی کی مناسبت سے مختلف تقریبات منعقد کی جارہی ہیں۔ اسٹیٹ بینک کی جانب سے 75روپے کے یادگاری نوٹ کا اجراء بھی ڈائمنڈ جوبلی کی مناسبت سے تاریخی اقدام قرار دیا جارہا ہے۔