گوگل نیوز پر ہمیں فالو کریںکراچی: سندھ حکومت نے گھوٹکی میں ہندو فیملی پر تشدد اور ہراسگی کے تشویشناک واقعے کا نوٹس لے لیا ہے جسے سوشل میڈیا پر رپورٹ کیا گیا۔
سماجی رابطے کی ویب سائٹ ٹؤئٹر پر رپورٹ کیے گئے واقعے میں سانگھڑ کی ایک ہندو فیملی جو رہڑکی زیارت کیلئے گئی تھی، اسے تشدد کا نشانہ بنایا گیا۔ واضح رہے کہ رہڑکی ہندو برادری کیلئے مقدس مقامات میں سے ایک ہے۔
شمالی وزیرستان میں خودکش بم حملہ، پاک فوج کے 4اہلکار شہید
واپسی پر گھوٹکی کے مقام پر ہندو فیملی کے ایک بچے نے کاغذ اڑایا جو ملزم کی گاڑی سے جا لگا جس نے ہندو فیملی کی گاڑی کا پیچھا کر کے اسے پیٹرول پمپ پر روک لیا۔ ملزم نے ہندو فیملی کی گاڑی توڑ ڈالی اور اہلِ خانہ کو زدوکوب کیا۔
ملزم نے ہندو فیملی کے مرد اویناش کو تشدد کا نشانہ بنایا، خواتین کو ہراساں کیا۔ ہندو فیملی کا مطالبہ ہے کہ پولیس ملزم کے خلاف فوری کیس داخل کرے۔ سندھ حکومت نے واقعے کا نوٹس لے لیا۔
صوبائی وزیرِ بلدیات ناصر حسین شاہ کا کہنا ہے کہ اس طرح کے واقعات تکلیف دیتے ہیں جبکہ آج یومِ عاشور ہے۔ تاریخ کے سب سے بڑے مظلوم حضرت امام حسین رضی اللہ عنہ کی شہادت کا دن ہے۔
اس طرح کے واقعات تکلیف دیتے ہیں ۔ آج یوم عاشور ہے تاریخ کے سب سے بڑے مظلوم کی شہادت کا دن۔ میں اپنے بھائ اور ان کی فیملی کو یقین دلاتا ہوں کہ اُن کے ساتھ انصاف ہوگا۔ مجھے اگر ان کا کوئ رابطہ نمبر DM کردیا جاۓ۔ میں اس وقت کربلا معلی میں ہوں۔ https://t.co/HdMOGbs8nB
— Syed Nasir Hussain Shah (@SyedNasirHShah) August 9, 2022
وزیرِ بلدیات سندھ نے ملزم کے خلاف ایکشن لینے کا وعدہ کرتے ہوئے کہا کہ میں اپنے بھائی اویناش اور ان کی فیملی کو یقین دلاتا ہوں کہ ان کے ساتھ انصاف ہوگا۔ مجھے ان کا کوئی رابطہ نمبر بھیج دیں۔
