پاکستان کی شاندار فتح پر شاہد آفریدی کا پیغام

قومی کرکٹ ٹیم کے سابق کپتان بوم بوم آفریدی نے بھی پاکستان کی شاندار فتح کے بعد پیغام جاری کرتے ہوئے ٹیم کو مبارکباد پیش کردی۔

An incredible Test match, Abdullah’s epic would be remembered for ever! This is an innings that would make Abdullah a bigger star, congratulations to the entire team and management for a wonderful performance. Sri Lanka also deserve credit for a great fight. https://t.co/se0iTYc5mi

— Shahid Afridi (@SAfridiOfficial) July 20, 2022

شاہد آفریدی نے سماجی رابطے کی ویب سائٹ ٹوئٹر پر پیغام جاری کیا۔ پیغام میں شاہد آفریدی نے کہا کہ یہ ایک ناقابل یقین ٹیسٹ میچ تھا، عبداللہ کو اس میچ کے لیے ہمیشہ یاد رکھا جائے گا، یہ اننگز عبداللّٰہ شفیق کو بڑا اسٹار بنائے گی۔

شاہد آفریدی نے مزید کہا کہ میں پوری ٹیم اور انتظامیہ کو مبارکباد پیش کرتا ہوں۔ سری لنکا کوبھی کریڈٹ جاتا ہے جنہوں نے اچھا مقابلہ کیا۔

واضح رہے کہ پاکستان نے پہلے ٹیسٹ میچ میں سری لنکا کو شکست دے دی، میزبان ٹیم کی جانب سے دیے گئے 342 رنز کا ہدف قومی ٹیم نے 6 وکٹوں کے نقصان پر حاصل کر لیا۔

پاکستان کی طرف سے ہدف کے تعاقب میں عبداللّٰہ شفیق نے شاندار بیٹنگ کا مظاہرہ کیا، انہوں نے 160 رنز کی ناقابلِ شکست اننگز کھیلی، جس میں 7 چوکے اور ایک چھکا شامل تھا۔