گال ٹیسٹ، سری لنکا کا ٹاس جیت کر پاکستان کیخلاف بیٹنگ کا فیصلہ

پاکستان اور سری لنکا کے مابین 5روزہ گال ٹیسٹ کا آغاز آج سے ہورہا ہے۔ سری لنکا نے قومی کرکٹ ٹیم کے خلاف ٹاس جیت کر پہلے بیٹنگ کا فیصلہ کر لیا۔

قومی کرکٹ ٹیم کے کھلاڑی سلمان علی آغا پہلی بار ٹیسٹ کرکٹ کا آغاز کر رہے ہیں۔ قومی بیٹنگ کوچ محمد یوسف نے سلمان علی آغا  کو ٹیسٹ کیپ پہنائی۔

یہ بھی پڑھیں:

کپتان بابراعظم ویرات کوہلی کی حمایت میں سامنے آگئے

فواد عالم کی جگہ مڈل آرڈر بیٹر کے طور پر قومی ٹیم میں شامل ہونے والے سلمان علی آغا  سے پاکستان کو اچھی کارکردگی کی امید ہے۔

سری لنکا اور پاکستان کے مابین آج سے 2 ٹیسٹ میچز پر مشتمل سیریز کا آغاز ہوگا۔ میچ کا آغاز 9 بج کر 30 منٹ پر ہوگا۔ گال ٹیسٹ کیلئے قومی اسکواڈ کا اعلان گزشتہ روز کیا گیا تھا۔

گزشتہ روز اعلان کردہ فائنل الیون میں یاسر شاہ اور محمد نواز بھی شامل ہیں۔ گال ٹیسٹ میں کپتان بابر اعظم قومی کرکٹ ٹیم کی قیادت کریں گے جبکہ محمد رضوان اور عبداللہ شفیق بھی ٹیم کا حصہ ہیں۔

قومی ٹیسٹ ٹیم میں اظہر علی ، حسن علی، امام الحق، نسیم شاہ اور شاہین شاہ آفریدی بھی شامل ہیں۔ سری لنکن ٹیم نے پاکستان کے خلاف بیٹنگ کا آغاز کردیا۔