شیخوپورہ، فیکٹری کا بوائلر پھٹنے سے 3 مزدور جاں بحق، 4 زخمی

شیخوپورہ: شیخوپورہ کے نواحی علاقے فیروز والا میں واقع فیکٹری میں بوائلر پھٹنے سے 3 مزدور جاں بحق اور 4 زخمی ہوگئے۔

تفصیلات کے مطابق فیروز والا کے علاقے رچنا ٹاؤن میں واقع فلور ملز کا بوائلر پھٹنے سے آگ بھڑک اٹھی جس نے تیزی سے فلور مل کی پوری عمارت کو اپنی لپیٹ میں لے لیا۔

پولیس اور ریسکیو ٹیموں نے موقع پر پہنچ کر جاں بحق اور زخمیوں کو اسپتال منتقل کیا۔ بعدازاں پولیس نے واقعے کی تحقیقات بھی شروع کردی ہیں۔

یہ بھی پڑھیں:

ملک کے مختلف حصوں میں آج موسم ابر آلود رہے گا

خیال رہے کہ اسی طرح کا ایک واقعہ فیصل آباد کی فیکٹری میں بھی پیش آیا تھا جب بوائلر پھٹنے سے فیکٹری کی چھت گرگئی تھی جس کے نتیجے میں تین مزدور جاں بحق ہوگئے تھے۔

مذکورہ واقعہ فیصل آباد کے قریب سمانہ پل پر واقع ایک فیکٹری میں پیش آیا، جس کے نتیجے میں بارہ دیگر مزدور بھی شدید زخمی ہوئے تھے۔