حکومت کے دن تھوڑے رہ گئے ہیں، قوم جلد یوم نجات منائے گی، فضل الرحمان

 مولانا فضل الرحمن نے کہا ہے کہ حکومت کے دن تھوڑے رہ گئے ہیں، قوم جلد یوم نجات منائے گی، ایک گرتی ہوئی دیوار ہے ایک دھکا دینے کی ضرورت ہے۔

جمعیت علمائے اسلام (ف) کے سربراہ مولانا فضل الرحمن نے موٹر وے پر ہکلہ کے مقام پر میڈیا سے گفتگو میں کہا کہ حکومت ختم ہو جائے گی اس وقت پورا ملک اسلام آباد کی جانب رواں ہے اور سب کی ایک ہی آواز ہے ’حکومت جائے اور آئین کے تحت نئی اور شفاف سیاست کاا آغاز ہو‘۔

اُن کا کہنا تھا کہ حکومت کے دن تھوڑے رہ گے ہیں، قوم جلد یوم نجات منائے گی، ایک گرتی ہوئی دیوار ہے ایک دھکا دینے کی ضرورت ہے اور 28 مارچ کو متحدہ اپوزیشن کا جلسہ ہوگا۔

یہ بھی پڑھیں: پنجاب اسمبلی توڑنے سے متعلق تمام خبریں بے بنیاد ہیں، شہباز گل

مولانا فضل الرحمان نے کہا کہ ملک اس وقت تباہی کے دہانے پر ہے، مہنگائی عام آدمی کی زندگی تباہ کرچکی ہے جبکہ ملک معاشی اور اخلاقی لحاظ سے ڈوب رہا ہے اور معیشت تباہ ہوچکی ہے۔

واضح رہے کہ مولانا فضل الرحمان کی زیر قیادت مارچ کا قافلہ کشمیر ہائی وے سے اسلام آباد کی حدود میں داخل ہوگیا ہے، پی ڈی ایم کے سربراہ ہکلہ ٹول پلازا سے قافلے کے ہمراہ آئے اور ان کے ہمراہ بڑی تعداد میں گاڑیاں شامل ہیں۔