علیم خان کا جہانگیر ترین گروپ میں شمولیت کا اعلان

لاہور: پاکستان تحریک انصاف کے رہنما اور سابق صوبائی وزیر علیم خان نے جہانگیر ترین خان گروپ میں شمولیت کا اعلان کر دیا۔

علیم خان نے یہ اعلان جہانگیر ترین گروپ کی رہائش گاہ پر ہم خیال اراکین کے اجلاس کے بعد کیا جس میں سیاسی صورتحال پر تبادلہ خیال کیا گیا۔لندن میں زیر علاج جہانگیر ترین ویڈیو لنک کے ذریعے اجلاس میں شامل ہوئے۔

اجلاس کے بعد پریس کانفرنس سے خطاب کرتے ہوئے علیم خان نے کہا کہ جہانگیر ترین نے پارٹی کے اقتدار میں آنے میں بہت محنت اور نمایاں کردار ادا کیا۔

انہوں نے کہا کہ جہانگیر ترین نے وزیراعظم عمران خان کا ساتھ دیا لیکن پی ٹی آئی کے اقتدار میں آنے کے بعد انہیں نظر انداز کر دیا گیا،ہ سمجھ نہیں پا رہے کہ اقتدار میں آنے کے بعد جہانگیر ترین کی مہارت سے استفادہ کیوں نہیں کیا گیا۔

مزید پڑھیں:عثمان بزدار کی چھٹی، علیم خان پنجاب کے اگلے وزیراعلیٰ، ن لیگ نے گرین سگنل دیدیا

وہ تمام لوگ جنہوں نے وزیراعظم کے شانہ بشانہ نئے پاکستان کے لیے کام کیا، انہیں کیوں نظر انداز کیا گیا؟ اس کا کوئی جواب نہیں ہے۔جب حکومتیں بنتی ہیں تو دوسرے لوگ لیڈر کو گھیر لیتے ہیں۔

  انہوں نے مزید کہا کہ پرعزم اور وفادار”ارکنوں کو سائیڈ لائن کردیا گیاہے۔پنجاب میں پارٹی کی کارکردگی پر تحفظات بڑھ رہے ہیں۔

اجلاس میں شریک ہونے والوں میں صوبائی وزراء نعمان لنگڑیال، اجمل چیمہ، ایم پی اے خرم لغاری، عبدالحئی دستی، لالہ طاہر رندھاوا، سلمان نعیم، اسلم بھروانہ، زوار حسین، بلال وڑائچ، امین چوہدری، قاسم لانگاہ شامل تھے۔وزیراعلیٰ پنجاب کے سابق مشیر عون چوہدری بھی موجود تھے۔