بکنی پہنیں یا برقع، انتخاب عورت کا حق ہے، ملالہ یوسفزئی نے نیا تنازع چھیڑ دیا

عورت مارچ کے موقع پر نوبل انعام یافتہ ملالہ یوسفزئی نے کہا ہے کہ خواتین کو برقع اور بکنی میں سے کسی بھی لباس کا انتخاب کرنے کا حق ہے۔

ملالہ کا کہنا ہے کہ کسی کو بھی یہ حق نہیں ہے کہ وہ عورت کے لباس کے حوالے سے اس کو بتائے کہ کیا پہننا ہے اور کیا نہیں پہننا چاہیے۔

وادی سوات میں جب طالبان نے قبضہ کیا تو میری والدہ کو بھی پابندیوں کا سامنا کرنا پڑا، طالبان نے خواتین کو سیاہ عبایا اور شٹل کاک برقع پہننے پر مجبور کیا حتیٰ کہ مجھے 10 یا11 سال کی عمر میں برقع پہننا پڑا۔

مزید پڑھیں:عورت مارچ کل ہوگا، بینرز تیار، کون کون سے نئے نعرے شامل ؟

ملالہ کا کہنا ہے کہ خواتین کو برقع اور بکنی میں سے کسی بھی لباس کا انتخاب کرنے کا حق ہونا چاہیے،آئیں ،ہم خواتین کو خود مختاری دیں، نقصان اور تشدد کو روکیں،تعلیم اور آزادی کے بارے میں بات کریں۔

واضح رہے کہ پاکستان میں خواتین کے عالمی دن کے موقع پر کل ملک بھر میں عورت مارچ کے حوالے سے تیاریاں عروج پر پہنچ گئی ہیں، امسال بینرز کیساتھ نئے نعرے بھی تیار کرلئے گئے ہیں۔