وزیر اعظم عمران خان نے سنٹرل ایگزیکٹو کمیٹی کا اجلاس آج طلب کر لیا

اسلام آباد: وزیر اعظم عمران خان نے پاکستان تحریکِ انصاف کی سنٹرل ایگزیکٹو کمیٹی (سی ای سی) کا اجلاس آج طلب کر لیا ہے۔

تفصیلات کے مطابق آج وزیر اعظم عمران خان کی زیر صدارت سی ای سی کا اجلاس وزیر اعظم ہاؤس میں ہوگا جس کیلئے پارٹی کی مرکزی قیادت کو مطلع کردیا گیا ہے۔

یہ بھی پڑھیں:

وزیر اعظم عمران خان کی زیر صدارت 2 اجلاس ایک ہی روز طلب

تحریکِ انصاف کے سنٹرل ایگزیکٹو کمیٹی اجلاس میں ملک کی سیاسی صورتحال اور بلدیاتی انتخابات پر تبادلۂ خیال کیا جائے گا۔ انتخابی مہم کی حکمتِ عملی بھی زیر غور آئیگی۔

گزشتہ ہفتے کے دوران وزیر اعظم عمران خان نے پارٹی کی سنٹرل ایگزیکٹو کمیٹی کے ساتھ ساتھ پارٹی ترجمانوں کا اجلاس بھی ایک ہی روز طلب کر لیا تھا۔

سی ای سی کے 14 فروری کو منعقدہ اجلاس میں اتحادیوں سے رابطوں پر مشاورت اور اہم فیصلے ہوئے۔ عوامی رابطہ مہم آگے بڑھانے کیلئے پارٹی رہنماؤں کی تجاویز پر بھی گفتگو ہوئی۔

پی ٹی آئی نے  ملک بھر میں عوامی رابطہ مہم کو تیز کردیا۔ سی ای سی اجلاس میں منڈی بہاؤ الدین سمیت 4 سے 5 بڑے جلسوں پر تبادلۂ خیال کیا گیا۔