دورۂ پاکستان کامیابی سے مکمل، بل گیٹس وزیر اعظم عمران خان کے شکرگزار

واشنگٹن: مائیکروسافٹ کمپنی کے بانی دورۂ پاکستان کامیابی سے مکمل کرنے پر وزیر اعظم عمران خان کے شکر گزار ہیں، بل گیٹس کا کہنا ہے کہ پاکستان میں پولیو کے خاتمے پر اٹھائے گئے اقدامات پر سیر حاصل گفتگو ہوئی۔

سماجی رابطے کی ویب سائٹ ٹوئٹر پر اپنے پیغام میں مائیکروسافٹ کمپنی کے بانی بل گیٹس نے وزیر اعظم عمران خان کو مخاطب کرتے ہوئے ان کا شکریہ ادا کیا اور کہا کہ پاکستان میں پولیو کے خاتمے کیلئے جو اقدامات اٹھائے جارہے ہیں، ان پر گفتگو نتیجہ خیز رہی۔

یہ بھی پڑھیں:

وزیر اعظم عمران خان اور بل گیٹس کی ملاقات، پولیو کی روک تھام پر گفتگو

Thank you @ImranKhanPTI for the productive discussions on the steps being taken in Pakistan to eliminate polio. I’m encouraged by the country’s commitment to eradication and am optimistic that if everyone remains vigilant, we can #endpolio. pic.twitter.com/cMAw3ZfDxr

— Bill Gates (@BillGates) February 17, 2022

ٹوئٹر پیغام میں بانئ مائیکرو سافٹ بل گیٹس نے کہا کہ  مجھے پولیو کے خاتمے پر پاکستان کے عزم سے حوصلہ ملا اور میں پر امید ہوں کہ اگر ہر شخص نے مستعدی کا مظاہرہ کیا تو پاکستان سے پولیو کا خاتمہ کیا جاسکتا ہے۔ 

خیال رہے کہ اس سے قبل وزیر اعظم عمران خان اور مائیکروسافٹ کے بانی بل گیٹس کی ملاقات ہوئی جس کے دوران پولیو کی روک تھام سمیت دیگر اہم موضوعات پر تبادلۂ خیال کیا گیا۔

گزشتہ روز مائیکروسافٹ کے بانی ایک روزہ دورے کیلئے پاکستان پہنچے اور وزیر اعظم عمران خان سے ملاقات کی جس کے دوران پاکستان پولیو کے خاتمے پر گفتگو ہوئی۔

وزیر اعظم نے بانئ مائیکروسافٹ کو پولیو پر حکومت کے اقدامات سے آگاہ کیا۔مائیکرو سافٹ کے 66سالہ بانی نے 1975 میں کمپنی کی بنیاد اپنے دوست کے ہمراہ رکھی تھی۔