اسٹاک مارکیٹ میں 139 پوائنٹس کی تیزی

کراچی: پاکستان اسٹاک مارکیٹ میں 139 پوائنٹس کا اضافہ ہوا ہے، کے ایس ای 100 انڈیکس میں کاروباری ہفتے کے آخری روز مثبت رجحان غالب آگیا۔

تفصیلات کے مطابق جمعہ کے روز کاروباری اوقاتِ کار کے دوران سرمایہ کاروں نے ملے جلے رجحان کا مظاہرہ کیا، ابتدائی طور پر مارکیٹ میں 100 سے زیادہ پوائنٹس کی کمی دیکھنے میں آئی، تاہم کاروبار کے اختتام تک کے ایس ای 100 انڈیکس میں 139 پوائنٹس کا اضافہ ہوا۔

یہ بھی پڑھیں:

الجنت رائل ریزیڈنسی کی مسماری کا حکم واپس لینا خوش آئند ہے،آباد

کے ایس ای 100 انڈیکس میں ابتدائی طور پر 101 اعشاریہ 29 پوائنٹس کی کمی دیکھی گئی جس سے انڈیکس کاروباری روز کی کم ترین سطح 45 ہزار 838 اعشاریہ 75 پوائنٹس تک آگیا۔ بعد ازاں 203 اعشاریہ 87 پوائنٹس کا اضافہ دیکھنے میں آیا۔

آج کاروباری ہفتے کے آخری روز انڈیکس میں 203 اعشاریہ 87 پوائنٹس کے اضافے سے کے ایس ای 100 انڈیکس بلند ترین 46 ہزار 143 پوائنٹس تک جا پہنچا۔ اس کے بعد کاروباری اوقاتِ کار کے اختتام تک کاروبار میں 80 اعشاریہ 71 پوائنٹس کی کمی ریکارڈ کی گئی۔

مجموعی طور پر 363 کمپنیوں کے حصص کا لین دین ہوا جن میں سے 144 کے بھاؤ میں اضافہ اور 198 کے حصص کی قیمتوں میں کمی ریکارڈ کی گئی۔ 21 کمپنیوں کے حصص میں استحکام غالب رہا۔ کاروبار کا اختتام 46 ہزار 79اعشاریہ 37 پوائنٹس پر ہوا۔