دبئی ایکسپو، پاکستان فلم ویک کا آغاز، 11فلمز کی فہرست جاری

دبئی ایکسپو میں پاکستان فلم ویک کا آغاز کردیا گیا ہے۔ وفاقی وزیرِ اطلاعات و نشریات فواد چوہدری نے 11 فلمز کی فہرست جاری کردی۔

سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات فواد چوہدری نے کہا کہ آج سے دبئی ایکسپو میں پاکستان فلم ویک کا آغاز ہورہا ہے۔

یہ بھی پڑھیں:

دبئی ایکسپو کا میلہ سج گیا، عالمی نمائش میں 190 سے زائد ممالک کی شرکت

ٹوئٹر پیغام میں وزیرِ اطلاعات فواد چوہدری نے کہا کہ دبئی ایکسپو کے دوران 21 سے 26 مارچ تک پاکستان کی11 فلمز پاکستانی انکلوژر میں دکھائی جائیں گی۔

وفاقی وزیر فواد چوہدری نے کہا کہ سال 2022 پاکستانی سینما کی بحالی کا سال ثابت ہوگا۔ اس سال پی ٹی وی کا فلم ڈویژن بھی قائم کردیا گیا ہے۔

آج سے دبئ ایکسپو میں پاکستان فلم ویک کا آغاز ہو رہا ہے، 21 سے 26 مارچ تک گیارہ پاکستانی فلمیں پاکستان انکلوژر میں دیکھائ جائیں گی، یہ سال پاکستان سینما کی بحالی کا سال ہو گا ، اس سال PTV کی فلم ڈویژن قائم کی گئ ہے جو پبلک پرائیویٹ سیکٹر میں دس فلمیں بنائے گی۔ #PakFilms pic.twitter.com/vQQHb5WjUi

— Ch Fawad Hussain (@fawadchaudhry) January 20, 2022

وزیرِ اطلاعات فواد چوہدری نے کہا کہ پی ٹی وی کا فلم ڈویژن پبلک پرائیویٹ سیکٹر میں 10 فلمیں بنائے گا۔ دبئی ایکسپو میں 11 پاکستانی فلموں کی نمائش آج سے ہوگی۔ 

خیال رہے کہ اس سے قبل مشرقِ وسطیٰ کی سب سے بڑی تجارتی نمائش دبئی ایکسپو کا آغاز کیا گیا، عالمی نمائش میں 190 سے زائد ممالک حصہ لے رہے ہیں۔

ستمبر 2021 میں  دبئی ایکسپو کی شاندار افتتاحی تقریب میں آتش بازی کا زبردست مظاہرہ کیا گیا۔ استحکام پذیر مستقبل کیلئے موسیقی کے ساتھ اہم پیغامات بھی نشر کیے گئے۔

اطالوی گلوکارہ اینڈریا بوکیلی، برطانوی گلوکارہ ایلی گولڈنگ، چینی پیانو نواز لینگ لینگ اور سعودی گلوکار محمد عبدو نے دبئی ایکسپو کی افتتاحی تقریب کو چار چاند لگا دئیے۔