ممبئی: بھارتی انتہائی پسندی اپنے عروج پر پہنچ گئی، انتہاء پسند ہندوؤں کو لگام ڈالنے والا کوئی نہیں، جنونی ہندوؤں نے کرسمس کے موقع پر سانتا کلاز کے پتلے کو نذر آتش کردیا۔
بھارتی میڈیا رپورٹ میں کہا گیا ہے کہ بھارتی ریاست اترپردیش کے شہر آگرہ میں ہندو انتہا پسند جماعت بجرنگ دل نے احتجاجی مظاہرہ کیا۔ جس میں اقلیتوں کے حقوق کی پامالی کی گئی۔
کرسمس کے موقع پر جنونی ہندوؤں کی جماعت کی جانب سے بھارت میں ہندوؤں کی مبینہ جبری تبدیلی مذہب کو بنیاد بنا کر احتجاج کیا۔ اس موقع پر مظاہرین نے سانتا کلاز مردہ باد اور گو بیک سانتا کلاز کے نعرے بھی لگائے۔
مزید پڑھیں: بھارتی فضائیہ کا لڑاکا طیارہ گر کر تباہ ہوگیا، ونگ کمانڈر ہلاک