کائنات کی دریافت کیلئے دنیا کی طاقتور ترین دوربین تیار کرنیکی ویڈیو ریلیز

کائنات کی تسخیر اور دریافت کا عمل جاری ہے جس کیلئے دنیا کی طاقتور ترین دور بین تیار کرنے کی ویڈیو ریلیز کردی گئی ہے۔ ناسا کا کہنا ہے کہ اگر دور بین تیار کرنی ہے تو اس کیلئے درکار اجزاء بھی درست ہونے چاہئیں۔

سماجی رابطے کی ویب سائٹ ٹوئٹر پر اپنے پیغام میں ویڈیو ریلیز کرتے ہوئے امریکی خلائی تحقیقاتی ادارے (ناسا) نے کہا کہ دنیا کی طاقتور ترین دور بین تیار کرنے کیلئے آپ کو درست اجزاء کی ضرورت ہوگی۔

یہ بھی پڑھیں:

ہبل کاکارنامہ، پہلی بار 1 لاکھ 40ہزار نوری سال طویل کہکشاں کی تصویر تیار

امریکی حکام کے آئی فونز پر سائبر حملے، اسرائیل کا کردار سامنے آگیا

🧰 To build the world’s most powerful telescope, you need to start with the right stuff.

Watch the new "Elements of Webb" series to see how the world's most powerful telescope came to be, and how @NASAWebb will help us #UnfoldTheUniverse: https://t.co/pzNBmMVHpU pic.twitter.com/Y1PfBePhNY

— NASA (@NASA) December 12, 2021

ٹوئٹر پیغام میں ناسا نے کہا کہ ہماری ایلیمنٹس آف ویب سیریز دیکھیں تاکہ آپ کو علم ہوسکے کہ دنیا کی طاقتور ترین دور بین کیسے بنائی گئی اور ناسا کائنات کی دریافت میں کیسے مدد کرسکتا ہے؟

واضح رہے کہ کائنات کی دریافت کیلئے دنیا کی طاقتور ترین دور بینوں میں سے ایک ناسا کی ہبل ٹیلی اسکوپ کو سمجھا جاتا ہے جس کے ذریعے کائنات کی تسخیر کا عمل تیزی سے جاری و ساری ہے۔

قبل ازیں ناسا کی بڑی خلائی دور بین ہبل نے نیا کارنامہ سرانجام دیا، سائنسی تاریخ میں پہلی بار 1 لاکھ 40 ہزار نوری سال قطر کی حامل کہکشاں کی تصویر تیار کر لی گئی۔

رواں ماہ کے آغاز پر زمین سے 14 کروڑ نوری سال کے فاصلے پر واقع کہکشاں این سی جی 7329 کی تصویر تیار کرنے کیلئے فور فلٹر فیوژن کا استعمال کیا گیا۔

تکنیکی اعتبار سے این سی جی 7329 اسپائرل کہکشاں کہلاتی ہے جس کی تصویر لینے کیلئے ہبل کے وائلڈ فیلڈ کیمرا 3 (ڈبلیو ایف سی 3) سے مدد حاصل کی گئی۔