گوگل نیوز پر ہمیں فالو کریںترجمان پاک فوج میجر جنرل آصف غفور نے کہا ہے کہ 27 فروری سے اب تک ہم نے بھارتی فوج کو بھرپور جواب دیا ہے اور لائن آف کنٹرول پر 60 سے زائد بھارتی فوجیوں کو جہنم واصل کیا ہے۔
سماجی رابطے کی ویب سائٹ ٹوئٹر پر اپنے پیغام میں ڈی جی آئی ایس پی آر میجر جنرل آصف غفور نے کہا کہ پاک فوج نے بھارتی فوج کو جانی نقصان پہنچانے کے ساتھ ساتھ متعدد بھارتی فوجیوں کو زخمی بھی کیا اور ان کے بنکرز تباہ کردئیے۔
یہ بھی پڑھیں: نواز شریف کے بعد آصف زرداری کے پلیٹ لیٹس بھی کم، حکومت کا تفصیلی معائنے پر غور
میجر جنرل آصف غفور نے کہا کہ ہماری بری فوج نے ان کے توپ خانوں اور گنوں کو بھاری نقصان پہنچایا اور بھارتی فوج کو جگہ بدلنے پر مجبور کیا۔
انہوں نے کہا کہ پاک ائیر فورس نے بھی بھارتی فضائیہ کے 2 طیارے مار گرائے جبکہ بھارت اتنا خوفزدہ ہوا کہ اس نے اپنے ہی 2 ہیلی کاپٹروں کو تباہ کردیا اور بھارتی نیوی ابھی تک خوف و دہشت کا شکار ہے۔
Since 27 Feb 19 Pak Army has killed over 60 Indian soldiers on LOC besides injuring many & destroying their bunkers. Artillery gun positions also damaged forced to relocate. 2 IAF Jets shot down by PAF, 2 helis met fratricide under fear. Indian Navy under deterrence.#CostForCDS
— Asif Ghafoor (@peaceforchange) October 26, 2019
یاد رہے کہ اس سے قبل بھارتی آرمی چیف کی طرف سے پاک فوج کو بھاری نقصان پہنچانے کے دعوے کا منہ توڑ جواب دیتے ہوئے رواں ہفتے ڈی جی آئی ایس پی آر میجر جنرل آصف غفور نے بین الاقوامی میڈیا کو ایل او سی آمد کی دعوت دی ، جس پر آج عالمی میڈیا اور متعدد ممالک کے سفیر لائن آف کنٹرول کا دورہ کرنے پہنچے ۔
اپنے ہی آرمی چیف کے دعوے کی تصدیق یا تردید کے حوالے سے بھارتی ہائی کمیشن سے کوئی سفارتی اہلکار لائن آف کنٹرول نہ پہنچا جبکہ بین الاقوامی سفارت کاروں کو لائن آف کنٹرول کا دورہ کرایا گیا۔
مزید پڑھیں: عالمی میڈیا اور سفیر لائن آف کنٹرول پہنچ گئے، ترجمان پاک فوج بریفنگ دیں گے
