نبئ اکرم ﷺ نے ریاستِ مدینہ کیلئے اپنی ذات کا عملی نمونہ پیش کیا۔وزیراعظم

اسلام آباد: وزیر اعظم عمران خان نے کہا ہے کہ نبئ اکرم ﷺ نے ریاستِ مدینہ کیلئے اپنی ذات کا عملی نمونہ امت کے سامنے پیش کیا جنہیں صادق اور امین کے القابات سے پکارا گیا۔

سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ ہمارے پیارے نبی ﷺ نے ریاستِ مدینہ کیلئے اپنی اعلیٰ ترین مثال سامنے رکھتے ہوئے پہلے اخلاقی معیارات کو بلند کیا۔

یہ بھی پڑھیں:

وزیر اعظم سے زیادہ ناموس رسالت ﷺ پر کسی نے بات نہیں کی۔عمران خان

رسول کریم ﷺ اسلامی انقلاب فکری سوچ سے لائے تھے، وزیراعظم 

ٹوئٹر پیغام میں وزیر اعظم عمران خان نے کہا کہ نبئ آخر الزمان ﷺ نے ریاستِ مدینہ کو عظیم ترین تہذیب بنانے کیلئے اپنی ذات کا عملی نمونہ پیش کیا اور اپنی ذات کی اعلیٰ ترین مثال سامنے رکھ کر صادق اور امین کہلائے۔ 

Our beloved Prophet PBUH first raised the moral standards of the state of Madina through his own supreme example (Sadiq and Ameen) before they became one of the greatest civilisations. pic.twitter.com/kZcxthhFgw

— Imran Khan (@ImranKhanPTI) November 8, 2021

پیغام کے ساتھ  وزیر اعظم عمران خان نے جوناتھن ہولسلیگ کے مضمون آزادی سے غداری کے اقتباس کا حوالہ بھی دیا جس میں کہا گیا ہے کہ کوئی بھی قوم صرف دیواریں بلند کرکے خوش قسمت نہیں بنتی جبکہ اس کی اخلاقیات تباہ ہوچکی ہوں۔ 

خیال رہے کہ اس سے قبل وزیراعظم عمران خان نے کہا کہ رسول کریم ﷺ اسلامی انقلاب تلوار سے نہیں فکری سوچ سے لائے تھے۔ مدینہ کی ریاست ہمارے لیے تابندہ مثال ہے۔ رسول اکرم ﷺ نے اچھے اور برے میں تمیز کی بنیاد پر اخلاقی معیارات بلند کیے۔  

کنونشن سینٹر اسلام آباد میں گزشتہ ماہ رحمت اللعالمین ﷺ کانفرنس سے خطاب کرتے ہوئے وزیراعظم عمران خان نے کہا کہ رسول اکرم ﷺ نے اپنی سیرت مبارکہ کے ذریعے انصاف کا درس دیا کیونکہ انصاف کے یکساں نظام کے بغیر معاشرے ترقی نہیں کرسکتے۔