شہر قائد کے 6 اضلاع کورونا ہاٹ اسپاٹ قراردے دیا گیا

کراچی: شہر قائد کے 6 اضلاع کو کورونا ہاٹ اسپاٹ قرار دے دیا گیا ہے۔ان علاقوں میں کورونا وائرس سے متاثرہ افراد کی بہت زیادہ ہے۔

اس حوالے سے ڈائریکٹر ہیلتھ کراچی ڈاکٹر ندیم شیخ کا کہنا ہے کہ ضلع جنوبی میں 24 مقامات پر ہاٹ اسپاٹ کی نشاندہی ہوئی ہے جب کہ ضلع ملیر کے 41 مقامات اور ضلع غربی کے 2 مقامات پر ہاٹ اسپاٹ میں آتے ہیں۔جہاں کیسز کی تعداد تیزی سے بڑھ رہی ہے۔

ڈاکٹر ندیم شیخ نے کہا کہ ضلع کورنگی کے 39 گھروں کی ہاٹ اسپاٹ کے طور پر نشاندہی کی گئی ہے جب کہ ضلع وسطی میں 46 گھر ایسے ہیں جہاں کورونا کے کیسز موجود ہیں۔

ڈائریکٹر ہیلتھ کراچی نے مزید کہا کہ ضلع شرقی میں 637 گھر کورونا ہاٹ اسپاٹ ہیں۔دوسری جانب ہاٹ اسپاٹس میں رہائش پزیر لوگوں کو ایس او پیز کی خصوصی ہدایات دی گئی ہیں۔