گوگل نیوز پر ہمیں فالو کریںپاکستان کے 53 فیصد شہریوں کے مطابق ملک بھر میں بڑھتے ہوئے کورونا وائرس کیسز کی روک تھام کیلئے لاک ڈاؤن کے باعث شادی شدہ جوڑوں کے درمیان جھگڑے بڑھ گئے ہیں۔
سماجی رابطے کی ویب سائٹ ٹوئٹر پر آن لائن سروے کے ادارے گیلپ سروے نے کہا کہ ہر 2 میں سے 1 یعنی 53 فیصد پاکستانیوں کی رائے ہے کہ شادی شدہ جوڑوں کے درمیان لاک ڈاؤن کے دوران گھریلو جھگڑوں میں اضافہ ہوا ہے۔
آن لائن سروے کے دوران پاکستانیوں سے سوال کیا گیا کہ آپ اِس بات سے کس حد تک متفق ہیں یا کتنا اختلاف کرتے ہیں کہ لاک ڈاؤن کے باعث شادی شدہ جوڑوں کے جھگڑوں میں اضافہ ہورہا ہے؟
سوال کا جواب دیتے ہوئے 53 فیصد پاکستانیوں نے کہا کہ ہم اِس بات سے پوری شدومد کے ساتھ اتفاق کرتے ہیں کہ واقعی شادی شدہ جوڑوں کے جھگڑے لاک ڈاؤن کے باعث بڑھے جبکہ 15 فیصد پاکستانیوں نے اس سے اتفاق نہیں کیا۔
سروے کے دوران 15 فیصد پاکستانیوں نے کہا کہ ہم اِس بات سے اتفاق نہیں کرتے شادی شدہ جوڑوں کے درمیان جھگڑے لاک ڈاؤن کے دوران بڑھے ہیں جبکہ 27 فیصد پاکستانیوں نے اسی بات سے شدومد کے ساتھ اختلاف کیا۔
Lockdown Toll on Couples: 1 in 2 Pakistanis (53%) opine that the lockdown has increased domestic fights between married couples
(Gallup & Gilani Pakistan Weekly Coronavirus Perception Tracker)https://t.co/dl86Bp0gTM#coronavirus #Covid_19 #COVID pic.twitter.com/AbdhXb0tnV— Gallup Pakistan (@GallupPak) June 17, 2020
