گوگل نیوز پر ہمیں فالو کریںراولپنڈی: پاک فوج کے شعبۂ تعلقاتِ عامہ (آئی ایس پی آر) کے مطابق لائن آف کنٹرول (ایل او سی) پر بھارت نے بلا اشتعال فائرنگ کی ہے جس کے باعث 2 خواتین سمیت 5 شہری زخمی ہو گئے۔
ڈائریکٹر جنرل آئی ایس پی آر کے مطابق بھارت نے رات گئے لائن آف کنٹرول کے نکیال سیکٹر میں جنگ بندی کی خلاف ورزی کی اور شہری آبادی کو نشانہ بنایا۔
آئی ایس پی آر کے مطابق پاک فوج کے سپاہیوں نے بھارتی فائرنگ کا مؤثر اور بھرپور جواب دیا اور دشمن کے ٹھکانوں کو نشانہ بناتے ہوئے ان کی بندوقیں خاموش کرا دیں۔
5 Civilians including 2 innocent boys and 2 elderly women got injured, due to Indian Army troops unprovoked ceasefire violation in Nikial Sector along #LOC, targeting civil population late last night. Pakistan Army troops responded effectively to Indian firing.
— DG ISPR (@OfficialDGISPR) July 6, 2020
یاد رہے کہ اس سے قبل آئی ایس پی آر کے بیان کے مطابق لائن آف کنٹرول پر بھارتی فوج نے بلا اشتعال فائرنگ کی جس کے نتیجے میں ایک شہری شدید زخمی ہوگیا۔
گزشتہ روز آئی ایس پی آر کے بیان کے مطابق بھارتی فوج نے بٹل سیکٹر پر جنگ بندی کی خلاف ورزی کی اور شہری آبادی کو نشانہ بنایا، فائرنگ کے نتیجے میں ایک 22 سالہ شہری شدید زخمی ہوگیا۔
مزید پڑھیں: بھارتی فوج کی فائرنگ سے شہری شدیدزخمی، آئی ایس پی آر
