کراچی میں 3 گھنٹوں کے دوران کرنٹ لگنے سے 4افراد جاں بحق

کراچی میں گزشتہ 3 گھنٹوں کے دوران کرنٹ لگنے کے مختلف واقعات سامنے آئے ہیں جن کے نتیجے میں 4 افراد جاں بحق ہوگئے۔

تفصیلات کے مطابق کراچی کے مختلف علاقوں میں گزشتہ شب سے ہی وقفے سے وقفے سے بارش کا سلسلہ جاری ہے۔ منگھوپیر کے علاقے میں نورانی ہوٹل کے قریب گھر میں کرنٹ لگنے کے باعث 2 افراد جاں بحق ہوئے۔

یہ بھی پڑھیں:

لیہ اینیمل پورنوگرافی اسکینڈل میں زیادتی کا شکار خاتون کون؟

 لانڈھی کے علاقے میں یونس چورنگی کے قریب واقع کمپنی میں کرنٹ لگنے کے باعث مزدور جاں بحق ہوگیا جبکہ شہرِ قائد میں کرنٹ لگنے سے جانی نقصان کا رواں برس پیش آنے والا یہ کوئی پہلا واقعہ نہیں ہے۔

جولائی کے دوران کرنٹ لگنے کے مختلف واقعات میں 24 گھنٹوں کے دوران 6 افراد جاں بحق ہوگئے تھے جن میں ایک مزدور اور 2 نوجوان شامل تھے۔  شہریوں نے واقعات کو کے الیکٹرک کی غفلت قرار دیا۔ 

حبیب بینک چورنگی، سائٹ ایریا کے قریب نجی کمپنی میں پیشہ ورانہ فرائض کی انجام دہی کے دوران کرنٹ لگنے سے ایک مزدور جاں بحق ہوا جبکہ لیاری کی نعمان مسجد کے نزدیک بھی بجلی کے پول سے کرنٹ لگنے کے باعث ایک شخص چل بسا۔

لیاقت آباد 5 نمبر کے علاقے میں 17 سالہ نوجوان گھر کے باہر ہی کرنٹ لگنے کے باعث جاں بحق ہوا جبکہ تیسر ٹاؤن سیکٹر 35 سی میں 21سالہ وقار کرنٹ لگنے کے باعث جان کی بازی ہار گیا۔

تیسر ٹاؤن، سرجانی میں کرنٹ لگنے کے باعث 30 سالہ شخص جاں بحق ہوگیا۔ گھر میں کام کے دوران لی مارکیٹ کے نزدیک بھی کرنٹ لگنے کے باعث 40سالہ شان حسین جاں بحق ہوگئے۔