گوگل نیوز پر ہمیں فالو کریںپنجاب کے شہر اٹک میں 3 نوجوان بہنیں اپنے چھوٹے بھائی سمیت دریائے سندھ میں ڈوب گئی ہیں، تینوں کو تلاش کرنے کیلئے ریسکیو آپریشن شروع کردیا گیا۔
تفصیلات کے مطابق اٹک میں خورہ خیل کے مقام پرگزشتہ روز دریائے سندھ میں چاروں بہن بھائیوں کے ڈوب جانے کی اطلاع ملنے پر ریسکیو اہلکار اور غوطہ خور جائے وقوعہ پر پہنچ گئے۔
خانپور ڈیم میں نہانے کے دوران دو بچیاں ڈوب گئیں
مسلسل 3 گھنٹوں کی تلاش کے باوجود 15سالہ بھائی اور 18، 20 اور 20 سالہ بہنوں کی تلاش میں کامیابی نہ ہوسکی۔ اندھیرے کے باعث ریسکیو آپریشن روکنا پڑ گیا جسے آج دوبارہ شروع کیا جائے گا۔
خیال رہے کہ اس سے قبل بھی خانپور ڈیم میں بھمالہ کے مقام پر ایک افسوسناک واقعہ رواں ماہ کے دوران پیش آیا جب دو بچیاں نہاتے ہوئے ڈوب گئیں۔
ذرائع کا کہنا تھا کہ جولائی کے دوسرے ہفتے میں خانپور ہزارہ ڈیم کی دوسری جانب بھمالہ کے مقام پر افسوسناک واقعہ پیش آیا جب دونوں بچیاں فیملی کے ہمراہ سیر کرنے کیلئے خانپور پہنچیں۔
مقامی لوگوں نے اپنی مدد آپ کے تحت ایک بچی کی زندگی بچالی، جبکہ دوسری بچی کو بچانے میں ناکام رہے جو جاں بحق ہوگئی، جاں بحق بچی کی لاش کو ہسپتال منتقل کردیا گیا۔
