گوگل نیوز پر ہمیں فالو کریںشہداد کوٹ: جوڈیشل مجسٹریٹ قمبر نے پی ٹی آئی کے سینیٹر اعظم خان سواتی کا 3 روزہ جسمانی ریمانڈ منظور کر لیا۔
ذرائع کے مطابق گزشتہ روز کوئٹہ سے تحویل میں لیکر سکھر منتقل کئے گئے پی ٹی آئی رہنما اعظم سواتی کو جوڈیشل مجسٹریٹ اینڈ سول جج کی عدالت میں پیش کیا گیا۔
پولیس کی جانب سے اعظم سواتی کے جسمانی ریمانڈ کی استدعا کی گئی، عدالت نے پولیس کی درخواست پر اعظم سواتی کا 3 روزہ جسمانی ریمانڈ منظور کر لیا۔
واضح رہے کہ تین روز قبل بلوچستان ہائیکورٹ نے اعظم سواتی کے خلاف صوبے بھر میں درج مقدمات ختم کرنے کا حکم دیا تھا جبکہ اسی روز سندھ پولیس نے اعظم سواتی کو اپنی تحویل میں لے کر سکھر منتقل کردیا تھا۔
مزید پڑھیں:بلدیاتی انتخابات، بلوچستان میں حب، لسبیلہ اور پشین میں پولنگ کا وقت ختم
دوسری جانب سینیٹر اعظم سواتی کی عدالت پیشی کے دوران عدالت کے باہر پی ٹی آئی کے کارکنان کی جانب سے احتجاجی مظاہرہ کیا گیا، مظاہرین نے مطالبہ کیا کہ اعظم سواتی پر جھوٹے مقدمات درج کئے گئے ہیں،انہیں فوری آزاد کیا جائے۔
