گوگل نیوز پر ہمیں فالو کریںشہرِ قائد کے 3 مختلف اسکولوں سے تعلق رکھنے والے کم و بیش 24 طلبہ ناسا اسپیس کیمپ میں شرکت کے بعد وطن واپس آگئے ہیں۔
تفصیلات کے مطابق طلبہ و طالبات اپنے اساتذہ کے ہمراہ امریکا میں واقع ناسا کے اسپیس اینڈ راکٹ سینٹر کے خلائی کیمپ میں شرکت کے بعد اتوار کو وطن واپس آئے۔ داؤد فاؤنڈیشن کے ترجمان نے میڈیا کو طلبہ کی وطن واپسی کی تصدیق کی۔
اسلام آباد میں دو ماہ کے لیے ڈرون کے استعمال پر پابندی عائد
تین اسکولز جن میں ایم اے پرائمری اسکول، کے ایم اے بوائز سیکنڈری اسکول اور ایور گرین ایلیمنٹری اسکول شامل ہیں، ان کے 8 طلبہ اور ایک استاد کو ججز پینل نے منتخب کیا اور تینوں ٹیموں میں شامل کل 24 طلبہ خلائی کیمپ میں شرکت کیلئے ہنٹس ول پہنچے۔
نجی نیوز چینل کے انٹرویو کے بعد مشہور ہونے والی 13 سالہ بسمہ سولنگی نے اپنے دیگر ساتھی طلبہ کے ساتھ چشمے بنانے کے بعد 24 طلبہ کے گروہ میں شامل ہوگئیں۔ تینوں ٹیمیں چکن کے پروں سے کاغذ اور اینٹی سلیب چشمے بناتی ہیں۔
تینوں ٹیمیں پلاسٹک کے کچرے سے سڑکوں کی تعمیر پر بھی کام کررہی ہیں۔ انٹرا اسکول مقابلے کا انعقاد ماحولیات اور انٹرپرینیورشپ کے موضوع پر ہوا جبکہ اسکولوں کی مسابقتی ٹیموں کو وسائل کے طور پر سائنس کٹس بھی دی گئی تھیں۔
