گوگل نیوز پر ہمیں فالو کریںکراچی:گورنر سندھ عمران اسماعیل نے عمر کوٹ کے دورہ کے موقعہ پر ورکرز کنونشن سے خطاب کیا۔ گورنر سندھ نے اپنے خطاب میں کہا کہ سندھ کا مقدمہ بھرپور انداز میں لڑا جائے گا اور میں خود وزیراعظم عمران خان کے سامنے سندھ کا مقدمہ رکھوں گا۔
گورنر سندھ نے کہا کہ سندھ کی عوام بھرپور انداز میں عمران خان کے استقبال کیلئے تیار ہے، 2023 میں سندھ میں بھی تبدیلی آئے گی اور جس دن سندھ میں عمران خان کی حکومت آئے گی اس دن سندھ کی عوام پر کی گئی تمام زیادتیوں اور ظلم کا حساب شروع گا۔
گورنر سندھ نے کہا کہ ظالموں کو سر چھپانے کی بھی جگہ نہیں ملے گی،انہوں نے کہا کہ سندھ کے سرکاری ملازمین کسی کے ذاتی ملازم نہ بنیں جبکہ سرکاری ملازم بھی عوام سے زیادتی کرنے سے گریز کریں۔
گورنر سندھ نے پولیس محکمہ پر زور دیتے ہوئے کہا کہ وہ سندھ کی عوام پر کئے جانے والے ظلم کو بند کرے اور اپنی ذمہ داریوں کا احساس کرتے ہوئے سندھ کی عوام کے مسائل کوحل کریں اور ان کا بھرپور ساتھ دیں۔
گورنر سندھ نے حیسکو کے حوالے سے کہا کہ حیسکو سندھ میں مسلسل زیادتیاں کررہا ہے، حیسکو کا کام یہ دیکھنا نہیں کہ کون کس جماعت کا ہے۔
مزید پڑھیں: عوام باہرآئیں،مہنگائی کوبھگائیں اورن لیگ کوجیتوائیں،شہبازشریف
