گوگل نیوز پر ہمیں فالو کریںلاہور: پنجاب اسمبلی میں ہنگامہ آرائی پر اسپیکر سردار سبطین خان نے 18 لیگی اراکین معطل کردئیے ہیں۔
تفصیلات کے مطابق اسپیکر پنجاب اسمبلی نے لیگی اراکینِ اسمبلی پر 15 نشستوں کیلئے داخلے پر پابندی عائد کی۔ تمام اراکین ہفتے کے روز اجلاس کے دوران ہنگامہ آرائی کے الزام میں معطل ہوئے۔
عمران خان کا ارشد شریف کے قتل پر گہرے رنج و غم کا اظہار
معطل کیے گئے ن لیگی اراکین میں سمیع اللہ خان، ملک وحید، عظمیٰ بخاری، عبدالرؤوف، راحیلہ خادم حسین، صبا صادق، رابعہ فاروقی، ربیعہ نصرت، ذیشان رفیق، زیب النساء اعوان اور کنول لیاقت ایڈووکیٹ شامل ہیں۔
جن اراکین کو معطل کیا گیا، ان میں نفیسہ امین، گلناز شہزادی، عادل بخش، محمد افضل، راحت افزاء، سعدیہ ندیم اور سنبل مالک بھی شامل ہیں جن پر اسپیکرڈائس کے سامنے ہنگامہ آرائی اور شور شرابے کا الزام ہے۔
واضح رہے کہ ہفتے کے روز مسلم لیگ (ن) کے اراکینِ اسمبلی نے سابق وزیر اعلیٰ عثمان بزدار کی جانب سے عمران خان کو نااہل کرنے کے الیکشن کمیشن کے فیصلے کے خلاف قرارداد پیش کیے جانے پر احتجاج کیا۔
احتجاج کے دوران اراکینِ اسمبلی نے اسپیکر کے ڈائس کا گھیراؤ اور شور شرابہ بھی کیا۔ اسمبلی سیکرٹریٹ کی جانب سے اراکین کی معطلی کا نوٹیفکیشن جاری کردیا گیا۔ اراکین کی معطلی اسپیکر کے حکم پر عمل میں لائی گئی۔
